舌癌後患上淋巴癌，58歲洪朝豐又被確診小腸有腫瘤…

前DJ洪朝豐去年證實患上舌癌，切除舌頭手術後，癌細胞又擴散至淋巴，再證實患淋巴癌。

但他近日又被發現小腸有個4cm大的腫瘤！他說：「不過腫瘤都分良性同惡性，要開刀切出嚟化驗先知，所以12月31日我會入院做手術。」他表示醫生會先在他肚臍下面開窿，放腹腔鏡入體內，再了解可否接受微創手術。如果可以的話，就會再在肚上開多幾個窿，否則就要在心口位置開一刀，將儀器直落到肚臍。

下個月5日系洪朝豐59歲生日，他將自己抗癌經歷寫成新書《風雨之後─我的舌癌筆記》，並準備舉行新書發布會。

他直言手術過程都幾恐怖：「如果唔好彩化驗話系惡性，最快擴散到嘅器官系肝臟。」雖然又要面對另一重大難關，但他的心態是：「順其自然啦，依家有得食就食，有得玩就玩，本來我會喺1月5日生日，搞埋新書發布會同分享會，但手術後醫生話最少要休息一個星期，新書發布會押後去1月12日，所以今年大除夕同生日我都要喺醫院過。」

問到目前身體狀況，洪朝豐稱沒有不適，行得又食得，又指：「我自己做人已習慣，會期望最好，但會做最差嘅準備，再衰啲如果真系惡性要走，我都冇乜遺憾，因為身邊好多疼錫我嘅朋友，我個人放得好松，個心好平靜，我好能夠適應環境。」

希望洪朝豐渡過難關！早日康復！

歡迎分享至朋友圈

來源：東網

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！