劉丹回應小糯米狀況黃子恆《降魔的2.0》戲分不多

娛樂 01-04

天若有情

袁鳳瑛

00:00/05:50

今日快報

玩到凌晨3點！囝囝確診流感　陳敏之自責

藝人陳敏之日前同蕭正楠夫婦、洪永城等人開新年派對，當晚敏之帶埋囝囝雷子樂一齊出席，兩母子仲玩到凌晨三點。點知尋晚囝囝突然發高燒，敏之今朝即刻帶佢睇醫生，竟然確診流感！

做媽媽嘅敏之非常心痛，亦好自責當晚同囝囝玩到太夜：「心情跌到谷底，BB昨晚一直高燒，燒到塊面紅卜卜，吃了葯都未退，反反覆覆，今天一早帶他去看醫生，原來中了流感，我心如刀割，是媽媽不好，帶你去玩，玩到太夜，唔夠休息中咗招。看見你受苦，我是多麼內疚和自責，希望你快點好起來，媽媽帶你去睇車車。」好多網民都祝福子樂早日康復，同埋安慰敏之唔好內疚，病嘅嘢冇人想發生嘛！

佗住B照做！樂基兒做高難度瑜伽倒立

懷孕超過5個月的樂基兒（Gaile）經常在社交網上載大住肚做瑜伽嘅相，而昨日佢又上載最新照片，重點系呢個動作難度超高，就算唔大肚都好難做到，就系倒立喇，見佢只系用頭頂及雙手支撐成個身體同肚入面嘅BB，真系好犀利呀！唔知肚入面嘅BB有冇順便打個斛斗呢？

令林凱恩懷魔種　黃子恆續集戲分不多

於年前無線劇集《降魔的》有份演出的黃子恆，昨天未見他出現新一輯《降魔的2.0》的造型活記者會，有鑒他與大陸女粉絲Michelle的桃色新聞，有傳令到對方墮胎的負面新聞，問監製方駿釗是否將他飛齣劇組，監製表示黃子恆於新一輯屬於客串，戲分不多，至於上一輯他演的角色被惡魔附身，而林凱恩更懷有其骨肉，監製稱會有延續，但BB是否魔種或能否出生，則不會劇透。

小糯米有冇掛住楊冪？劉丹：佢掛住玩

藝人劉愷威與楊冪離婚後，行蹤成謎一直未有現身。昨日下午，其父親劉丹在香港寓所獨自駕車外出前往灣仔，問到其孫女小糯米有否掛住媽媽？他表示：「佢乜嘢都唔掛，凈系掛住玩。（劉愷威喺邊？）我唔知喎。（佢有咩打算？）我唔知佢有咩打算喎。」問到小糯米有否上課，他則未有回應，只透露自己外出打波。另外，早前有網友為楊冪湊女做了個計算，指她三年內只陪了小糯米37日。