幫財爺直播做主持吸「嬲」不怕被拖累，王祖藍：以阿姐為榜樣

幫財爺直播做主持吸「嬲」不怕被拖累，王祖藍：以阿姐為榜樣！

王祖藍為執導賀歲片《你咪理，我愛你！》現身宣傳，即場寫揮春送行給街坊。對於影片快將上映，祖藍直言非常緊張，一來歌舞片算是新嘗試，二來好多賀歲片對手，所以不敢講對票房的預期，不過要贏人先要贏自己，希望先贏口碑。

為谷新戲祖藍預告農曆年期間會瘋狂出席謝票活動，直至情人節結婚周年紀念就跟老婆李亞男去旅行。他說：「每年的傳統都跟她去旅行，今次都去日本，因為她坐完月可以吃生冷食物。（捨得囡囡？）唔捨得都要捨得，最緊要錫住媽咪先，因為唔想媽咪日日對住囡囡有咁大壓力。聽日部戲舉行首映，太太都會出關，其實她在睡房睇過好多次部戲，但她想正式在戲院睇。」

祖藍日前為財爺陳茂波於臉書直播擔任主持，收集網民對新一期財政預算案的建議，最終被網民送上過千個「嬲嬲」公仔。祖藍表示代是表演藝文化界表達財政報告意見時，獲對方邀請合作。他說：「我都同佢講你唔怕有好多『嬲嬲』咩？佢話唔緊要，都預咗，最重要當面表達到意見，既然可以當面質詢，梗系去問下佢啦！」可擔心涉及政治話題被拖累形象？他說：「以阿姐（汪明荃）為榜樣啦！阿姐會關心亦敢言，所以在網上直播我無過濾問題，留言上有粗口，我基本上刪除粗口外，都講出來問，比較貼地啲。」

喜歡這篇文章嗎？立刻分享出去讓更多人知道吧！