情人節不如煲劇！《鬼怪》CP再續前緣，sweet又爆笑！

講起《鬼怪》CP

你會諗起邊一pair？

今期要講嘅唔係孔劉同金高銀

而係李棟旭同劉仁娜

事關佢哋主演嘅愛情喜劇

《觸及真心》播出咗啦

回憶下佢哋喺《鬼怪》裡邊

開頭真係好慘啊

第一世年紀輕輕就生離死別

後來李棟旭做咗地獄使者

與轉世後嘅劉仁娜重遇

結局第三世二人再重遇

算係大團圓結局啦

如今喺《觸及真心》

終於可以甜甜蜜蜜一齊啦！

因為係一出戀愛喜劇

fans唔驚被虐

可以開開心心咁追落去！

劇中劉仁娜飾演一個

雖然外貌好靚

但演技好差嘅女演員

冇戲可拍嘅劉仁娜

機緣巧合下去咗律師樓

做李棟旭嘅秘書

一邊工作一邊練習演技

李棟旭喺劇中比較高冷

同蠢萌嘅劉仁娜

成為咗一對歡喜冤家

第一集結尾

佢哋就發出咗「真香預警」

話唔會鐘意對方

不過你哋明啦

呢D都係套路

最後肯定一齊噶

另外

配角都係神助攻

睇咗兩集真係超搞笑

fans一邊煲劇

一邊喺彈幕大叫「原地結婚」

可想而知呢齣戲糖分都幾高

而且戲裡戲外

兩人都好有CP感

加上之前合作過嘅默契

劇集睇起身更加甜蜜

情人節

煲劇都唔錯噶

你覺得呢？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！