順民意合唱！古巨基搵定欣做演唱會嘉賓？

娛樂 02-17

歌手古巨基的新歌《亂世情侶》在網上平台早已有過百萬點擊，他與MV女主角胡定欣看到粉絲們留言提議整首合唱版，即決定在情人節送給大家驚喜，祝願世上所有情人都可以開花結果。

兩人為宣傳新歌，應無線節目《東張西望》合作整情人節甜品「梳乎厘 Pancake」，沒想到買來用的半打雞蛋，只只蛋打出來也是雙黃，令兩人驚訝大叫。基仔開心說：「真系好事成雙系咁出現，好正呀。」兩人雞手鴨腳邊訪問邊整Pancake，當中笑料百出，最後基仔試食Pancake時就大讚：「嘩，定欣手勢真系與眾不同，好好味喎～不過有啲唔似pancake，似中式甜味蚝仔餅感覺，最好夾個白飯一齊食！」

今次兩人順應民意合唱，定欣說：「真系好短時間內決定喎，年二十九同基仔食飯，佢提起呢個合作，我又鍾意唱歌，咁咪試嚇囉。」基仔大讚定欣非常唱得：「佢真系唱得好好！錄音嗰日好快好順利就已經錄起只歌，佢唔單止唱得好，勁到連和音佢都親自唱埋！」定欣說：「可能我之前拍咗個MV，聽到熟曬首歌，之後我又不停翻睇個MV，所以入到錄音室系幾乎唔使睇歌詞，已經唱到。好快代入咗首歌角色裡面，唱嗰陣感情好易就投放曬落去。喺錄音室翻聽錄音，唱到『當你仍然信我，愛情沒有輓歌，未相信情懷輸給世道，仍在亂世中開花結果…』嗰段，真系感動到起曬雞皮，毛管直豎。你問我畀自己幾多分，我真系唔知，盡咗力去做，希望大家鍾意啦。」