去年遇交通意外元氣大傷，林夏薇寫千字文不服判決！

去年6月，林夏薇出席劇集《逆緣》煞科宴後，駕駛其保時捷回家時在山頂發生交通意外，她報稱遭一輛從讓路位駛出的四驅車撞到致「大陣全歪」。

林夏薇翌日自行求醫，並公開X-Ray照展示其頸椎傷勢。警方調查後，拘捕該名四驅車司機，控以一項不小心駕駛罪。

案件擾攘8個多月，終在前日裁定被告罪名不成立。據裁判官指出，事主林夏薇早前作供時稱，案發時「感覺到」有車頭燈在讓路處，但又繼續前行，屬自相矛盾，加上裁判官不能排除被告指林夏薇當時車速太快的可能性，故在疑點利益歸於被告下判其罪名不成立。

林夏薇於社交網就案件判決發文宣洩，直言感到「非常非常失望」，她指從兩架車表面撞擊痕迹觀察所得，四驅車司機所講從小路駛出車輛七、八成才發生碰撞的證詞，以物理學角度來看根本沒可能發生：「我點樣可以用我的左車身撞對方的車頭！明明車的撞擊傷痕是我被撞，對方竟然惡人先告狀，反過來話我從後衝上嚟！」

她又對判詞中提及的幾個考慮因素感到不解，表示：「但仲失望的是法官竟然考慮對方的車身高過我的車身，同埋考慮我是公眾人物！我唔明以上兩點同佢小路出大路撞人，不小心駕駛有咩關係？」又反問是否公眾人物就應該受傷？並指：「我在主路正常行駛，被人打橫撞到，我個證供仲點樣可以自相矛盾到！根本就是斷章取義，我是證人在庭上又不能反駁，估唔到人生第一次為警方做證人，公平公正在哪裡？真的太失望！」

記者聯絡上林夏薇問到會否就案件進行跟進？她說：「今次我系以證人嘅身份上庭，唔系提告，所以會唔會上訴要睇番律政司嗰邊嘅決定。」至於會否循民事追討就要先尋求警方及法律意見後才作決定。

至於講到車禍受傷的康復情況，她指：「當時我尾龍骨有幾節歪咗，加上頸椎受傷導致我左手麻痹，依家都仲有痹嘅情況，所以都有keep住覆診。（怕唔怕影響造人大計？）依家身體咁差，加埋撞車，真系要調理咗身體先，同埋造人呢啲嘢都好講心情。（車禍有冇影響你揸車？）有，好有陰影，依家都盡量少揸，尤其經番事發嗰段山路，我都唔系好敢行，都會特別揸慢啲。」她續指以往駕駛小心，從未試過發生意外，故一直沒有安裝車Cam，但現在卻因此欠缺實質證據，而令她大感後悔，故決定會安裝車Cam。

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！