失戀時候嘅心痛係「真·心臟痛」？

雖然好多人都聲稱

覺得拍拖好麻煩又多嘢搞

仲不如保持單身比較好

但係始終大部分人

都係想自己有個甜蜜蜜嘅戀愛

開心嘅時候固然之快樂

如果吵交或者分手

你哋一般會有咩反應？

朋友圈經常都會見到d人

失戀之後話自己好心痛

呢個【心痛】一直以來

大家都以為係一個表達傷心嘅形容啫

有專家就表示

呢種【心痛】

可能係真·心臟痛！

Twitter一位網友

喺睇電視嘅時候見到呢個結論

即刻分享出來俾大家

呢個講法都引起咗熱議

呢個觀點係來自近日

日本電視台NHK嘅一檔節目

「チコちゃんに叱られる」

節目上探究

【點解失戀嘅時候大家會覺得心痛】

仲專門請咗生物學家來

呢位學者叫做福岡伸一

福岡教授就話

其實人類從誕生開始

就有戀愛方面嘅感情

只不過最開始嘅時候

呢種感情唔係依家嘅愛

而係單純為咗繁衍後代

人類喺搵另一半嘅時候

身體會好似狩獵一樣

分泌出大量類固醇

使血壓同埋心跳上升

保持興奮狀態

但系其實類固醇持續分泌

會對心臟造成負擔從而產生疼痛

不過戀愛中嘅人

因為處於興奮狀態

身體會無視呢種痛感

失戀嘅時候呢種無視就會消失

自然就會feel到痛

所以教授表示失戀時候嘅心痛

好可能真係心臟發出嘅疼痛感

btw當兩情相悅之後

類固醇就唔會再分泌

會恢復到正常狀態

節目仲請咗醫師川田志明

醫生嘅講法係話

失戀時覺得胸悶

其實係因為精神上的壓力

導致兒茶酚胺大量分泌

而引發輕微嘅心臟病

所以如果身邊有friend話自己失戀

心臟好唔舒服

唔好以為佢喺度扮嘢！

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！