張馨月幫襯「姑仔」林夏薇　李施嬅加拿大奧斯卡爭獎

娛樂 02-23

今日快報

鄭嘉穎曬小手拖大手相

藝人鄭嘉穎曾經自認「黑面王」，不過自從同陳凱琳拍拖之後一改作風，經常都笑容滿面，早前佢仲升呢做埋爸爸更加開心成個人唔同曬！原本以為佢會好保護BB唔畀佢上鏡，早幾日佢曬完手抱BB嘅相畀大家見嚇，轉頭佢又曬出「小手拖大手」嘅相，仲留言大讚囝囝話：「佢握手好有力。」唔少網民都話成個畫面好溫馨，仲贊出世冇耐嘅BB手仔就咁有力，大個咗襯番個名Rafael（網球「泥地王」拿度（Rafael Nadal）名字）去做網球手都冇問題，有網民話鄭嘉穎咁鍾意曬BB相，好有潛質做娛圈「炫B狂魔」。

周年紀念！卓林抱緊Andi：人生最好嘅兩年

藝人吳綺莉女兒卓林同外籍太太Andi愛得難捨難離，即使遇到唔同難關，一直都互相扶持。日前卓林喺網上曬出擁抱嘅合照，仲話系二人嘅周年紀念，感謝Andi嘅出現，令佢人生更加精彩：「since I met my partner in crime @andiautumn. Its been a the best two years of my life with you as my wife（呢兩年系我人生過得最好嘅兩年，全因有你成為我嘅太太）」

黎耀祥約劉青雲食團年飯　一餐乜都慶祝曬

藝人黎耀祥與劉青雲相識多年兼老友鬼鬼，兩家人每年都會拜年相聚，包括祥仔的太太Julia、兒子正橋及青雲太太郭藹明。

尋晚佢哋又有飯局，原來有好多嘢慶祝，Julia受訪時說：「其實真系好開心，二月系一個好日子，系我同祥仔嘅結婚周年紀念月，又系我同青雲嘅生日，每年我哋只記得青雲嘅舊曆生日，佢近農曆年生日，每年初一我哋都會去佢哋度拜年，不過今年祥仔要去新加坡登台，所以依家約食飯糰拜。」

當晚，眾人先去嘆日本菜，殊不知店主老闆娘捧出蛋糕為Julia慶生，不論為誰慶祝都好，大家都過了一個很愉快的晚上。

加拿大奧斯卡爭獎　李施嬅：有得撼嚇嘅！

演員李施嬅、張慧儀、王子涵、何浩文、文凱玲、梁敏儀與監製王晶等在尖沙咀出席劇集《荷里活有個大老千》「新春開年飯」齊齊「撈起」。

曾在外地獲封雙料影后的李施嬅近期憑加拿大劇集《Blood And Water》（血與水）第三季獲提名「2019年加拿大銀幕獎」（2019 Canadian Screen Awards）女配角獎項，該頒獎禮有「加拿大奧斯卡」之稱，屬加拿大最高殊榮的頒獎禮，認真威水。

李施嬅受訪表示因正在拍劇，三月尾會盡量抽時間到當地出席頒獎禮，近期亦與好姊妹胡定欣一起去挑選「戰衣」，對兩人同時獲得無線以外的獎項提名感到高興，李施嬅表示：「拍緊《荷》嘅時候咁啱系《血與水》面試，系文凱玲用電話幫我拍片面試，因為要拍食煙嘅場面，嗰晚為拍片仲食咗成包煙，搞到作嘔咁滯，後來知道面試得咗，晶哥（王晶）可以話系我嘅幸運星。（有冇信心？）有提名已經好好，因為候選得五個位，我仲系唯一嘅華人，呢個獎亦都冇華人攞過，信心都有啲，可以撼嚇嘅。」

李施嬅被贊保養宜撼低劇中「90後」演員，她笑說：「都要保養，靠湯水、花膠滋潤，同埋心景，雖然我冇愛情嘅滋潤，但系有班姊妹嘅滋潤。」講到愛情李施嬅指順其自然，笑謂歡迎大家有「好介紹」給她。

融入林家！張馨月幫襯「姑仔」林夏薇

藝人林峯同女友張馨月愈愛愈高調，早前林峯仲趁新年跟女友回鄕見家長，相信二人好事近呀!呢日馨月喺網上上載去咗林峯堂妹林夏薇嘅鋪頭食嘢相，仲好識做拎住張菜單話：「@rosinalam 打卡#十二功夫必點酸菜魚，超級開胃，酸酸辣辣的！」似乎啲餸菜都好啱馨月口味，而夏薇亦有留言：「歡迎光臨！辣得爽嗎？」馨月都有回覆：「請給我一盒健胃消食片，我吃撐了。」網民都話馨月似乎好融入林家，仲話唔知佢系咪同男友一齊去撐場呢？