《新西遊記》粉絲必買！妙漢包裝飲料連樽都要收藏！

韓綜《新西遊記》

可樂君已經強力推薦過好多次

絕對居家旅遊無聊必備

N刷都依然可以笑爆肚

《新西遊記》有個形象周邊

就係好似人蔘咁款嘅公仔

叫做神妙漢同奇妙漢

雖然形象好唔知點

連殷志源都要diss

不過都擋唔住高人氣

除咗官方出咗一堆周邊之外

連韓國便利店

都推出咗好多限定飲料

之前有妙漢形象嘅果汁

好多人都為咗個樽

特登去買來收藏

分別係兩款唔同口味嘅果汁

而最近新出嘅

就係三款牛奶系列

包裝同之前嘅一樣

瓶蓋都係妙漢個頭

而瓶身就係身體

三款飲料分別係

朱古力牛奶

香蕉牛奶

同埋草莓椰子牛奶

味道應該都係中規中矩

大家都係想買來收藏

有人成個樽一齊帶返屋企

有d粉絲就齋收藏個頭

好似有d詭異！

依家係韓國各個便利店

都可以買到呢款飲料

其實除咗上面兩種之外

便利店之前仲有其他妙漢飲料

草莓拿鐵

同埋朱古力拿鐵

不過包裝就無上面嘅鬼馬

不過瓶蓋入面就大有乾坤！

原來瓶蓋入面

分別係兩款妙漢公仔

最後仲有一款妙漢包裝嘅咖啡

分別係焦糖拿鐵同杏仁拿鐵

飲咗呢d飲料

唔通都會覺得自己

擁有咗神妙之力？

（被節目洗腦）

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！