峯少回巢拍《使徒3》，摞硬視帝同最受歡迎男歌星？

大陣仗！大陣仗！

林峯真係回巢返TVB啦！

等咗咁多年

可樂君又可以cap新嘅表情包

真係諗下都高興

話說17號TVB搞記招

宣布林峯正式回巢

睇下峯少嘅忠實fans

「黃綠軍團」幾咁興奮

雖然呢幾年峯少歌影視三棲繼續發展

不過大家都係好掛住佢拍嘅港劇

峯少昨日po文話：

「有機會再次拍攝TVB的電視劇」

fans超級期待

想睇峯少同阿佘、徐子珊合作

well

願望有機會實現啦！

公司為峯少度身定做「大Project」

其中之一係拍攝《使徒3》

而且唱埋主題曲

想幫佢事業再創高峰咁話！

今次回巢峯少獲高層力捧

做視帝做星夢一哥易過借火

無論劇集抑或歌曲都度身定做

呢個待遇喺TVB真係好罕有

峯少自己有冇心摞視帝？

「唔好嫌我老土，

摞獎對我嚟講唔係最睇重嘅嘢，

身為演員，

寧願自己所演嘅角色令人記住，

可以成功塑造更多角色。

我係一個需要過戲癮嘅人，

始終都拍咗20年戲，

一直希望尋求突破同新嘗試。」

咁最受歡迎男歌手

峯少想唔想摞？

峯少笑言：「俾梗係要啦！」

另一方面

峯少一直希望同當年

「第13期訓練班」同學再度合作

唔G《使徒3》有冇咁嘅機會呢？

對於峯少回巢

楊怡都感到好興奮：

「當然開心佢返無線啦！

如果成班訓練班同學一齊拍，就仲開心，

因為咁耐以嚟，

都未試過齊人拍劇，

如果劇本啱，梗係想合作啦，

絕對係好期待添呀！」

話咁快峯少已經入行廿年

從《尋秦記》開始佢演繹出

不少令人印象深刻嘅角色

你最鐘意係邊一個？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！