陳自瑤想追生二胎？王浩信五個字回應！

王浩信為無線劇集《極道怪咖》拍攝外景，主要任務為營救被吊出27層樓高商廈天台的湯怡，並交出贖款，期間更與徐榮發生打鬥，甚為激烈！

王浩信大讚湯怡好勇敢：「我都有畏高，曾經試過喺銅鑼灣50幾樓吊出去，不過就冇佢咁出，喺邊緣度，嗰次太驚，每次望落去個反應都做錯，但系我頭先見到佢好淡定，啲對白都講得好流暢，啲戲都發揮得好自然，所以都幾佩服佢！」

問到戲中可有危險動作？他表示有動作場面，例如打拳，又笑指每日都要同張振朗搞Gag：「難度最高唔系動作，而系要凼觀眾笑，今次嘅能量、節奏嘅掌握，都比以往嘅難度高，但So Far劇組人員都覺得幾好，好有滿足感！」

如今貴為視帝的王浩信一劇接一劇，忙到飛起，還有傳陳自瑤想再追B以維繫夫妻之間的感情，並讓六歲女兒也有個伴。他指仍有3至4個星期才會拍畢劇集，問到復活節可會同囡囡去旅行？他透露會抽時間：「Plan緊。（會去邊度？）暫時未預計到時間幾長，但點都會去放鬆。」

追問是否會一家三口一齊去？他淡然指：「Plan緊。（太太陳自瑤早前話想追多個？）努力工作先。」續指希望另一套劇集《解決師》可於暑期播出。看起來王浩信完全沒辦法配合陳自瑤的造人計劃。

喜歡這篇文章嗎？立刻分享出去讓更多人知道吧！