堆滿礦石嘅甜品？水晶聖代食咗可以防水逆嗎？

京都個間以

好似礦石一樣嘅甜品

而出名嘅礦物咖啡廳

「ウサギネドコ」

大家仲記唔記得？

之前因為可以食嘅「礦石」

而刷屏咗一段時間

店內其實除咗可以食到

好似礦石一樣嘅甜品之外

仲會定期舉辦展覽

同埋販售礦物、骨骼等標本

一睇就知

老闆一定係個礦物愛好者

最近櫻花妹紙嘅社交平台

又開始刷屏呢間店！

皆因推出咗新品

叫做水晶聖代

望上去聖代嘅上面

鋪咗一舊舊透明嘅「水晶」

最近又係水逆時間

呢杯「水晶」甜品

應該可以抵禦下！

其實呢杯嘢上面嘅「水晶」

係寒天加砂糖冰製成嘅錦玉羹

而周圍碎嘅結晶

係用咗白蘭地橙酒果凍

而個杯入面嘅嘢

就有檸檬凍、糖粉奶油細末、

仲有蜂蜜漬葡萄柚

百里香、乳酪冰淇淋、

切塊芒果等

雖然望上去得一杯嘢

不過用料真係好豐富！

概念係再現地球地質層嘅層次

咁樣一杯嘅售價

係890日圓

從網上嘅repo來睇

都係盛讚又好睇又好食

咁應該味道唔錯

唔知幾時廣州d店

都出下呢種「礦物」甜品？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！