喪屍大逃脫！避開喪屍仲要拯救人類？依家遊樂園要咁玩！

中意扮鬼扮馬嘅朋友

一年之中只有萬聖節

先可以釋放天性

係咪覺得好難等？

呢度可能啱你

韓國大邱E-World遊樂園

每年都會搞一次「喪屍慶典」

今年嘅慶典喺六月份

就已經開始咗！

今年嘅慶典時間

係6月29日～9月1日

主攻就係學生們嘅暑假

期間成個遊樂園

都打造成咗「殭屍小鎮」

不過白天去嘅話

仲係大人細路

都啱嘅正常畫風

從傍晚入夜開始

就會有成群cos成喪屍嘅人出現

宣傳照就已經好用心啦！

大家有無睇過韓綜《大逃脫》

呢個樂園都係有劇情噶！

主要嘅環節

就係「喪屍大逃脫」

劇情係有好多

困喺監獄入面嘅喪屍

即將喺你周圍逃脫出來

要散播「喪屍病毒」

所以你要避開佢哋

除此之外

仲有要尋找喪屍疫苗嘅

「人體實驗室」

仲有「殭屍恐怖遊行」

有美食同啤酒嘅

「喪屍美食街」

天氣熱嘅時候

最啱「喪屍水槍活動」

最後仲有煙火表演！

呢種咁重口味嘅活動

你啱嗎？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！