鄭秀文邀請男團Mirror演出引尖叫 圈內好友台下助陣齊舞超嗨
鄭秀文（Sammi）這個天后不簡單，她籍著今次紅館「＃FollowMi 世界巡迴演唱會2019」的舞台提攜後輩，除了每晚與重金屬組合「鐵樹蘭」和Rapper Shimica合唱，昨晚（20號）第8場演唱會更邀請了全新男子組「Mirror」演出，全場驚喜尖叫。Sammi笑言，有感之前7場都請女嘉賓「陰氣太重」，昨晚刻意請來12位小鮮肉來平衡一下！
每一場演唱會Sammi都會在嘉賓環節為觀眾帶來驚喜，昨晚連她自己都好興奮，幾乎說漏咀，及時發現還有一首歌未唱，她說：「導演喺耳機提我仲要唱一首歌，『嘉賓』你哋喺後台食多個飯盒，等多一陣先！」非常搞笑，之後她唱《千年如一日》後唱《默契》，唱到一半時 Mirror成員姜濤和AnsonLo從升降台出場，觀眾尖叫，然後其他成員逐一從舞台四方八面出場合唱，全場起鬨
唱畢，Sammi笑說：「有鑒於呢幾晚我都系請女嘉賓，陰氣太重，所以就請咗一班男仔嚟！」又說：「今次演唱會主題『我們都是這樣長大的』，雖然我Keep得好好，但我都一把年紀，Mirror呢啲十幾廿歲嘅年紀我都經歷過。
我希望今次演唱會舞台分享俾更多唔同歌手，無論資深歌手又或者新晉組合都好，呢個台都可以分享俾所有人為大家表演。」面對Mirror 12位小鮮肉，Sammi 有點花多眼亂，讓他們逐一向觀眾自我介紹，觀眾尖叫聲此起彼落。之後Samm對Mirror 笑說：「你哋真系好犀利，飯盒又要買多十幾個，化妝師和車都要加倍。
今日真系好開心，雖然第一次見面，但系綵排時我有睇佢哋表演，我覺得好犀利，Mirror 為咗今次專登全新排咗一隻舞和歌，我希望你哋（觀眾）可以俾多啲support佢哋！」然後她落台換衫，Mirror 散開舞台不同位置又唱又跳《Chotto等等》和《火熱動感LaLaLa》等Sammi經典金曲Medley，觀眾都涌到台邊歡呼！
至於Sammi，為了演唱會狂操肌肉練出令人羨慕的「蜜桃股」，她亦勤力練另外一種「鼓」就是打鼓，與重金屬樂隊「鐵樹蘭」合唱新歌《Power Of Love》之外，她更在合唱《煞科》時打鼓，一齊夾Band表演，全場High爆。
而昨晚台上嘉賓大堆頭，台下捧場朋友都好墟冚，雷頌德與太太Jade、梁漢文太太Karen、蘇永康太太Anita、陳法蓉、苟雲慧、劉浩龍、藍奕邦、DJ森美、胡諾言與太太陳琪等，當Sammi勁歌跳舞時，他們都站起來一齊跳舞，全場勁High！
鄭秀文、藍奕邦。
鄭秀文、劉浩龍。
鄭秀文、雷頌德與太太Jade。
鄭秀文、胡諾言與太太陳琪。
鄭秀文與陳法蓉。
