《十二傳說》華富村UFO事件極有可能係真！張志明話噶……

「喂，你有冇聽過，

華富村有UFO？」

「你又喺度吹水啦……」

哈哈哈哈！！！

當年張志明就係靠

呢個都市傳說，

成功抄咗余春嬌牌！！！！

最近《十二傳說》又講翻，

華富村UFO事件，

估唔到，

可能係真噶！！！

劇情講到

蕭正楠同阮政峰去山頂

影流星，

意外地影到不規則嘅光線相，

繼而引出見到外星人，

同埋華富邨嘅命案。

TVB整嘅UFO特效，

都真係幾假……

不過呢度，

係根據當年嘅真實事件來引述噶！

華富邨UFO事件發生喺

80年代初，

有大量民眾都話見到UFO，

係某個挨晚，

目擊者放學翻屋企，

突然勁大風，天色唔算太暗，

華富邨上空突然出現巨型物體，

物體底部有上千盞彩色燈仔，

但係佢冇發出任何聲，

一陣就飛走咗。

當時好多街坊都出嗮來睇，

UFO係黑色，

有兩棟公屋嘅闊度。

佢哋見到嘅UFO係同一個時間，

但係冇相為證，

加上當年嘅目擊者

描述嘅情形都唔同，

所以變成咗都市傳說。

就似張志明所講嘅咁，

當年D人當係觀音顯靈。

《十二傳說》講到佢哋拍攝到

不規則嘅疑似軌道，

1999年，

港聞記者司徒冠華，

佢聲稱喺西貢影到UFO。

佢嘅證據，

都係見到有不規則嘅光線，

唔單止華富村，

香港往年周不時

都會有市民聲稱見到

UF0，

天文台2014年到2017年嘅數據，

西貢名列前茅。

打去報告目擊UFO嘅人，

有部分係有相為證

青衣

啟德機場出現嘅三角形飛碟

灣仔

屯門怪燈

當然最出名，有最多口供嘅，

依然係華富村。

咁點解，

UFO會揀去華富村呢？

仲要咁揚，

個個都話見到？？？？？

華富村係香港第一個屋邨，

亦都係一個神秘嘅屋邨。

佢係屋邨，

但佢有背山面海嘅靚環境，

係豪宅先有嘅待遇。

華富邨起名前，

因為地勢，佢原名叫咗雞籠灣。

係當年好出名嘅華人墳場，

雞籠灣墳場。

日治時期係亂葬崗。

（點解個個傳說嘅前身一定係亂葬崗？）

1963年墳場遷去和合石，

政府決定起公屋，

命名為華富邨，1968年落成。

傳說話華富邨有一副

「不化棺材」，

係墳場搬遷嘅時候，

初建華富邨，

挖到佢，

搬嘅時候，

有人對佢做不敬嘅行為，

跟住就有

接二連三嘅怪事發生。

搬遷嘅整個工隊全部出事，

邊個想郁佢，

都會有不幸嘅嘢發生。

之後有關人員就將佢密封，

以免之後有人接近，

惹禍上身。

直到宜家，棺材仲喺原位，

封住咗。

學似《十二傳說》潘多拉講嘅咁，

傳說越耐，

大家就會越相信。

住喺華富邨需要膽量。

藍奕邦

小儀

仲有譚小環

都係喺華富村大嘅。

來到宜家，

華富村嘅瀑布灣

被傳係外星人基地，

話UFO就喺湖底。

有呢D傳說，

自然好多人去睇，

宜家個度變咗做遊客打卡點。

大家傳下傳下，

信則有不信則冇~

同樣哋，假如你唔信，

係冇嘢可埋到你身噶！！！

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！