成龍獲奧斯卡終身成就獎 胡蓓蔚生日胡說八道齊集

【罕有全家福】劉嘉玲侄仔高顏值勁搶鏡

藝人劉嘉玲在微博貼出一張全家人的合照，感謝親友為媽咪同細佬慶祝生日，老公梁朝偉當然有出席呢個家庭聚會，當中比較少見系劉嘉玲侄仔，雖然企喺梁朝偉旁邊，但系顏值一啲都唔輸蝕，西裝骨骨非常搶鏡，網民都大讚劉嘉玲侄仔夠曬靚仔。劉嘉玲亦在微博寫道：「最敬愛的母親和親愛的弟弟：生日快樂！感謝所有親朋好友的到來和祝福！你們讓生日會更添歡樂和有紀念意義！」網友指劉嘉玲一家人的高顏值都是遺傳，更盛讚嘉玲「愈來愈氣質！」、「這一家人簡直完美到逆天！」除咗親人之外，劉嘉玲好友名媛榮文蔚都有到場祝賀，佢仲喺IG大曬合照，其中一張榮文蔚同梁朝偉影嘅相，偉仔有別以往迷人電眼CHOK樣甫，偉仔今次睩大對眼擺出一個萌樣，估唔到偉仔私底下其實都好玩得。

胡蓓蔚45歲生日　胡說八道會成員齊集！

昨日系藝人胡蓓蔚45歲生日嘅大日子，尋晚「胡說八道會」好姊妹胡定欣、胡杏兒、黃智雯、李施嬅、姚子羚難得齊聚率先幫佢慶生，其中施嬅喺Instagram（IG）上載大合照，個個都嘟曬嘴爭住錫錫壽星女，難怪攞住生日蛋糕嘅胡蓓蔚一臉冧爆，而施嬅仲押曬韻留言祝賀對方：「祝妳天天都笑不停，賺錢冇時停，除非去巴黎shopping，就有老公俾（畀）錢任你Fing（揈），and我們姊妹永遠超loving. Love you our QUEEN！」

原來仲未完？皆因施嬅啱啱又喺IG上載新相，今次就只見到智雯、胡蓓蔚、定欣同佢自己嘅4人合照，佢就留言：「Birthday Queen in dahouse!」唔通又開P？佢仲tag埋「Sexyladies」，見佢打出個心口，真系好sexy嚇喎！而壽星女胡蓓蔚亦拍咗段片，攞住酒杯High爆自轉！雖然就未見到身為老公嘅單立文現身，但佢都好識喺社交網祝老婆生日快樂，仲叫對方做「MyLovely Wife」，真系sweet到爆！佢留言話：「大人生日大快樂！」朋友愛人都為自己慶祝，真系萬千寵愛在一身呀！

母子分離！張慧儀單拖內地拍劇搵錢

藝人張慧儀為了籌過百萬港元醫藥費，給患有心臟病的養子Hanson做手術，他們兩母子一齊生活超過十年，從不分離。下月將到內地拍時裝劇的慧儀，將首次離開養子Hanson數月，令她大呼不舍。慧儀接受訪問時坦言這次赴內地拍劇酬勞，足以填補Hanson的高昂醫藥費：「系呀！所以會走兩、三個月，其實Hanson兩歲就返嚟同我生活，我哋未分開過，今次我去拍劇賺錢，事前有同Hanson傾過，徵求佢意見，Hanson好懂事，佢叫我自己要保重，小心！（仔仔有冇唔開心？）又冇，佢會返馬來西亞同公公、婆婆住，知道有得玩都好開心。（捨不得？）仔仔有假期，我都會接佢過嚟大陸同我見面嘅，為咗賺錢冇辦法啦！」

【咪神壓股】吳業坤叫張秀文唔好太性感

歌手吳業坤出席無線節目《萬千星輝賀台慶》預演活動時，與無線咪神張秀文背貼背身體接觸，更被秀文用屁股頂住，吳業坤就透露屆時將聯同對方等人表演才藝。對於曾與秀文同台現身活動，但因對方衣著性感令他尷尬，吳業坤坦言有意叫秀文於台慶避免打扮過份性感，更謂：「我驚自己氧氣唔足夠，所以希望佢密實啲！（有冇諗過要克服？）都要時間，可能每日對住就冇問題，間中睇就會刺激啰。」談到他昨晚現身前緋聞女友Aka所屬組合Super Girls音樂會，惟握手環節時未獲對方伸出友誼之手，吳業坤笑謂：「我坐後排位置嘛！（後台有冇合照？）都冇，但音樂會期間佢應該見到我，不過我系用自己方法入場，唔系佢畀飛嘅！（冇請你做嘉賓會唔會失望？）我驚如果做（嘉賓）會落唔到台。（系咪想自己做個男粉絲，畀佢哋喺你面前跳性感舞？）點解唔搵多幾個呀？未見過一個女藝人對住男粉絲跳性感舞。」

臨場轉「呔」！成龍赴美攞奧斯卡成就獎

國際影星成龍早前獲美國影藝學院主辦的《奧斯卡州長頒獎禮》公布獲得終身成就獎，此乃第四位獲得此獎的亞洲人，亦是首位獲此榮譽的華人，認真威水！即將踏上奧斯卡頒獎台，為其演藝生涯再寫下光輝一頁的他，昨日已率先飛抵洛杉磯作準備。現年62歲的成龍，身兼導演、編劇、製片、演員及出品人，早前以收入6,100萬美元（約4.7億港元）成為美國權威財經雜誌《福布斯》（Forbes）公布全球十大最高收入男星榜第二位，僅次於大隻佬男星狄維庄遜（Dwayne Johnson）。其實他從6歲開始加入影壇，至今已經從影56年，作品超過200部。

於影壇成績如此彪炳，曾拿過金雞影帝、兩屆金馬影帝及幕後方面亦獲獎無數，這次獲頒如此有份量性的獎項，見慣大場面的成龍也坦言心情緊張，他謂：「依家全世界都關注令我緊張，再加上好多朋友打嚟恭喜我，佢哋仲開心過我，搞到我再緊張啲?！」雖然如此威水，但成龍卻未有帶同太太林鳳嬌及愛子房祖名同行分享喜悅，他僅帶同工作夥伴，貫徹他一向以事業為首的宗旨。

身為中國人，成龍透露屆時定必以唐裝上陣，並已帶同了三套不同款式作選擇，不過由於大會指定出席男士必須配以黑色煲呔，令穿唐裝服的成龍有點頭痕。而致詞方面，向來不精於說話的他笑指單是度稿已度了成個月，他謂：「到時系會講英文，雖然度咗講咩，但真系太正經，所以可能會睇到時諗到乜就講乜。（驚唔驚自己會講錯嘢？）唔理啦，隨心，我依家個腦好亂，又驚多謝一個不記得多謝第二個。（有冇限定講幾耐？）又冇要求可以講幾多分鐘，但都要識趣，唔通講到等人圈咁丑怪咩。」

TAG:HK娛樂頻道 |

※成龍辦慶奧斯卡終身成就獎晚宴 劉嘉玲等群星祝賀
※成龍獲奧斯卡開趴慶祝 劉嘉玲謝霆鋒等群星祝賀
※成龍獲奧斯卡 成為首位獲終身成就獎的華語電影人
※首位獲得奧斯卡終身成就獎的華人演員——成龍
※繼成龍之後，周星馳和李連杰誰更有資格拿奧斯卡終身成就獎？
※憑什麼成龍得奧斯卡終身成就獎？李安呢、張藝謀呢？
※成龍：金像獎比奧斯卡終生成就獎難拿！
※成龍獲奧斯卡終身成就獎 酒店設宴 香港一線大牌來道賀！
※成龍獲奧斯卡終身成就獎：小時候我也是熊孩子
※成龍獲奧斯卡終身成就獎，是中國成就了我！
※獲得過奧斯卡獎的8大華人，李安最偉大，成龍獲得終生成就獎
※成龍獲奧斯卡榮譽主席獎 身著唐裝手拿大熊貓
※吉尼斯世界紀錄：四大天王五項，鹿晗成龍兩項，還有王俊凱陳冠希
※成龍奧斯卡終身成就獎慶祝晚宴，群星大咖到場，香港娛樂圈到齊了
※〈YES香港現場〉成龍獲奧斯卡終身成就獎慶祝會 劉嘉玲...等好友齊祝賀
※成龍終於領取了奧斯卡終身成就獎！實至名歸華人驕傲
※成龍獲得奧斯卡獎，幾張圖回顧其演藝之路
※成龍獲奧斯卡獎遭老婆和兒子冷待 劉嘉玲、謝霆鋒、張學友齊來祝賀
※奧斯卡女星紅毯鬥豔，但我只關注到「華人之光」成龍獲終身成就獎