林峯生日玩微博冧粉絲黃宗澤舊愛胡杏兒楊崢同場

娛樂 12-18

新歌推薦

慶祝

= 張惠雅

今日快報

林峯生日玩微博冧粉絲

生日快樂！歌手林峯昨日37歲生日，女朋友吳千語去咗澳門出活動，所以早前二人已經提早慶祝。身在內地拍劇集《獨步天下》嘅林峯，之前好大犧牲要剃光頭，雖然無女朋友同佢正日過，不過成班工作人員都好有心，大玩神秘驚喜生日派對。

剃光咗頭嘅佢帶住黑色CAP帽，工作人員仲幫佢預備個皇冠，而見林峯房都好應節有棵聖誕樹添加氣氛，之後林峯同成班工作人員落咗去大堂切蛋糕同開香檳慶祝，見佢同工作人員打成一遍好開心。而開通個人微博嘅林峯，趁住呢日咁特別嘅日子，發出佢第一條微博，指多謝大家同佢過生日，他說：「今年的生日，我在這裡。謝謝大家同我過生日，第一條微博送給你們。」

買飛送手袋？傳王菲個唱門票有勁多嘢送

樂壇天后王菲將於本月30日在上海舉行演唱會，消息公布後，不時有假門票發售的消息，更有傳有人願意用60萬人民幣買一張門票。近日有網民聲言成功購下價錢較高的「看台票」，又稱看台票附贈多項贈品，包括手袋、香水及項鏈等等，實行讓樂迷滿載而歸！官方未有證實事件真偽，相信都有等正式發售後，先可以知道王菲今次系唔系「賣大包」。

斷片攬實許廷鏗　鄭欣宜自爆爭獎好緊張

歌手鄭欣宜以黑白Look出席音樂會，對於歌曲《女神》爭入「叱咤樂壇我最喜愛的歌曲」五強，欣宜興奮地說：「好緊張，呢排見到朋友都不停拉票，難得有首咁好嘅歌，話唔想有機會攞獎就呃你嘅。」

對於好友許廷鏗的《我的志願》未能打入「叱咤樂壇我最喜愛的歌曲」十大，欣宜說：「冇叫佢投我，不過佢好自動，之前喺佢迷你騷慶功宴飲咗少少，因為好耐冇飲酒搞到斷片，之後佢話番畀我聽，我攬住佢時，我同佢講好緊張。」

問有否信心攞「叱咤樂壇我最喜愛的歌曲」？欣宜說：「信心一定要有，不過今年啲對手好強，真系有少少緊張。（有冇叫爸爸鄭少秋投票？）冇呀，今晚叫佢先，呢排又要拍劇又錄新歌。（系咪入咗紙申請紅館？）公司處理緊，自己希望儲多啲歌。」

黃宗澤舊愛同場　胡杏兒楊崢黑斗黑顯風騷

《第一屆澳門國際影展暨頒獎禮》於澳門舉行，紅地氈上星光熠熠，不但有楊受成博士率領衛詩雅、麥子樂等電影《失眠》劇組人員進場，透視加大露背的國際影星章子怡、「明星大使」韓星張根碩、名模Amanda S.、薛凱琪、惠英紅、余香凝等，就連黃宗澤兩位舊愛，胡杏兒及楊崢亦有同場！二人對電影鼎力支持，甚至無懼被傳媒將兩人與黃宗澤的舊戀聞再擺上枱！更不約而同穿上穿色長裙赴會，各自風騷！

孖住抱B女聚會　鍾嘉欣張嘉兒斗曬母愛