林峯自曝與吳千語分享動作戲經驗佘詩曼相隔七年再黃與子華合作

娛樂 12-18

今日快報

林峯自嘲剃光頭似魚蛋：覺得自己後生咗

藝人林峯於沙田馬場出席「六福珠寶賽馬日」，他現忙於在橫店拍攝劇集《獨步天下》，活動結束後亦要趕往機場。為劇集首次剃光頭的他，被問到如何取暖？戴上帽子現身的他說：「原來冬天拍清裝好攞命，凍到諗唔到嘢、頭痛，過多排天氣仲凍。（剃過頭感覺點？）正，剃完覺得自己後生咗，洗完頭又唔使吹頭，幾正，人生一定要試一次。（之前無線搵你都唔剃？）嗰時系同時做緊幾個工作，冇辦法幾個月只去拍一套清裝，有商演會比較麻煩。」又謂自己很喜歡是次由小說改篇的劇本、角色，故下定決心剃光頭：「其實我一直期待自己光頭系咩樣。（唔怕生唔番頭髮？）我問咗好多拍過清裝嘅人，佢哋話拍完頭髮仲好咗。」

林峯續笑稱剃光頭後，才驚覺自己是魚蛋頭：「原來我個頭好圓，之前都驚頭型唔靚，但原來系成粒魚蛋咁。（女友吳千語有咩評價？）佢話原來我剃光頭仲好樣啲。（會唔會叫你keep住？）唔會，好凍?，所有演員都辛苦。」談及千語BB聖誕、新年要到北京與偶像王力宏合作拍攝古裝電影，林峯表示自己亦很喜歡王力宏，現時二人工作為先。問會否有時間前去北京探BB班？他說：「應該就冇，我幾重視呢部戲，有好多戲，成五百幾場，同埋我聖誕節都喺上海有個工作。」又謂有跟首次拍動作戲的千語BB分享拍攝動作經驗，並稱現場有專業的武術指導，故不擔心千語BB的拍攝。

徐子淇孖李家誠再影婚照賀錫婚(qiangshi)

「千億新抱」徐子淇於2006年下嫁恆基二少李家誠（Martin），自此踏上幸福豐足嘅豪門路，更已成為四子之母，生活美滿，叫人羨慕！適逢今年是結婚十周年，子淇早前就接受東網訪問，就分享鮮為人知嘅豪門生活，更大讚老公勁錫自己，如果要為幸福評分，佢仲不諱言系100分幸福滿瀉?！

十年前，子淇與李家誠世紀一吻，展開十年的童話婚姻生活，子淇就上載咗一張同老公新影嘅婚紗照，相中二人對住陽光與海灘，即刻嚟個深情攬攬，Martin望實靚婆曬側面，而子淇就大曬靚膊頭，手拎花束，仲借文字再次向老公高呼「我願意」：「I did, I do and I always will.」

胡定欣等住冧庄攞視後：系觀眾畀信心我

無線《萬千星輝頒獎典禮2016》星期日晚舉行，連奪新加坡及馬來西亞視後的胡定欣理所當然被視為「最佳女主角」大熱，定欣似乎胸有成竹，淡定等待完成「大滿貫」視後霸業。

無線台慶頒獎禮「最佳女主角」獎項是每年的焦點之一，《巨輪Ⅱ》的田蕊妮繼續是候選的中堅分子，冷門要數網民喜愛的《EU超時任務》朱千雪，但論頂頭大熱當然是成績與口碑俱佳的《城寨英雄》胡定欣，加上她連奪新加坡及馬來西亞「視後」氣勢十足。定欣接受訪問說：「《城寨英雄》刁蘭呢個角色好有挑戰性，系新嘗試，有機會拍到好開心，之前兩個頒獎禮有好成績已經好滿足，系觀眾畀我信心！頒獎禮系觀眾對你支持嘅成績表，都大概知道觀眾對你嘅支持，所以對公司頒獎禮都有信心。」

定欣去年憑《鬼同你OT》首奪視後，現在叫胡冧庄，定欣對此輕鬆地說：「上年攞獎其實好意外，話咁快一年，再獲提名系一件好奇妙嘅事。上年攞獎嗰陣，覺得今年應該冇機會啦，雖然對刁蘭角色有信心，但覺得冧庄機會唔大，唔會咁快嘅。不過到呢一刻睇到觀眾反應，個心系定啲，希望喺公司頒獎禮都有同樣成績。」

相隔七年再與子華合作　阿畲做「阿嫂」

藝人畲詩曼出席《兩岸四地青年微電影大賽》頒獎典禮，對於將與舊拍檔黃子華合作電影，阿畲透露雙方已有七年沒有合作，上一次已是無線劇集《絕代商驕》，她謂：「今次劇本已改動多次，有試過叫我演社團大佬女人，但最終版本未定，只知角色系搞笑，仲會有好多子華朋友客串。」

問到可有其他電影接洽？阿畲表示有一部恐怖片邀她演出，成事的話將於下月中開拍，雖然角色保密，但怕鬼的她笑指正在掙扎，她謂：「諗咗好耐，我睇劇本都晏晝睇，夜晚瞓覺都唔敢閂燈瞓，仲發噩夢都見鬼。（咁接唔接？）唔知呀！有同製作人傾，對方話唔驚嘅拜神啰！有問佢哋時會拜神，要點拜法，總之我全部都參與。」談到聖誕節，阿畲表示會與家人及朋友度過，問到廚藝了得的她是否吸引更多男性？她笑謂：「唔系個個都食到我煮嘅嘢?！」

【愛上演戲】郭晉安視「視帝」如浮雲

已贏了三屆「視帝」的藝人郭晉安（安仔），超班演技已升華至另一層面。他在《致命復活》中飾演被綁架苦捱十年的「韋逸升」，在演技上將身、心創傷的心路歷程呈現觀眾眼前，絕對是視帝級演員的功力印證！

安仔演藝歷程超過三十年，已視演戲為藝術，並覺得藝術與商業不一定並存。視獎項如浮雲的他，雖知熱門人選並非自己，但仍抱著包容的心去接受。他接受東網訪問稱：「我拍戲唔係為有冇獎攞，我演戲到今日，已視為一種藝術。但呢樣嘢冇一個標準，但又必需有個認受性，而呢樣認受性系會影響觀眾對劇集嘅睇法。既然兩者唔一定並存，我要有個包容心，就算得與唔得（指贏視帝寶座），我都會包容，因為視帝呢個獎都好主觀，有嘅都唔可以代表佢嘅成功或成就。不過，遇到呢種有戲味嘅劇本，我已經好開心。（想唔想贏視帝？）有得贏獎系另一個肯定，既然觀眾咁鐘意個劇，咁就投我一票啦！」

後台回復「

劇集預告或0

」，可查看

《致命復活》

第二十八集和

《流氓皇帝》

第五集

哦！