林憶蓮、張敬軒加盟第五季《我是歌手》，拍片回應反駁歌迷聲音！

內地湖南衛視音樂節目《我是歌手》第5季，確定喺2017年1月推出。以往節目都會保密參加歌手名單，不過之前有消息指，屬殿堂級天后嘅林憶蓮，已確定加盟《我》節目。早前，林憶蓮經理人陳鎮川回應時，就話：「還沒有確定，在約碰面而已。」答案似乎有無限可能性……

上周，節目組確認樂壇天后林憶蓮加盟參賽，而之前已確定《我是歌手5》也把節目改名為《歌手》，即系天后憶蓮參賽，同一眾歌手一較高下!

湖南衛視微博也公佈林憶蓮確認加盟節目《歌手》，喺今個月21號首播，仲叫大家估憶蓮會唱咩歌。

之後，天后林憶蓮自己也落實參加內地歌唱比賽節目《我是歌手》系列新節目《歌手》。

唔少網民知道消息後，都紛紛喺憶蓮個facebook留言，絕大部份人都勸偶像唔好參加呢個節目，更有歌迷苦口婆心話大陸最鍾意大灑酬金，憶蓮唔應該自貶身份去參加！

去年，容祖兒參加《我是歌手4》時

就未能如願，仲排第7，當時就有網友鬧爆有黑幕。

其實早喺舊年，憶蓮就試過以導師身份，為《中國之星》擔任「巨星推薦人」，推薦許志安同 Gin Lee（李幸倪）出戰，有傳當時佢嘅酬金高達1,500萬人仔(約港幣1,800萬)。唔同嘅系，上次系以導師身份，而今次就以歌手身份參賽！

而節目會易名做《歌手》，令唔少香港粉絲失望，覺得偶像自貶身價，有網民更哭求﹕「咪去！」不過

另一方面，憶蓮契爺胡楓就撐契女，話「藝術嘅野應該畀更多人欣賞」。

自公佈以來至今第4日，女主角憶蓮終於開口，佢喺該節目嘅微博上拍片，話自己「不喜歡光環」，似乎系想反駁番歌迷啲反對聲音。

佢話：「光環這個詞，聽起來很美，但也可能是束縛。它，或許耀眼，但卻也可能讓人看不見光陰里的世界，所以，我不喜歡光環，因為我更想真實的面對人群。唱過很多歌，說過很多故事，但是我知道在音樂里還有著神秘的無限可能。我改變，是因為我想改變！」

變，系好事，但變完系好定唔好，就真系……要拭目以待。

據知，張敬軒也將會參加比賽，

對決香港天后林憶蓮。有消息透露除張敬軒、林憶蓮外，參加歌手還有杜麗莎、光良、蕭敬騰、內地歌手袁婭維及譚晶等，而第一集將於1月10日錄影。

你期待林憶蓮、張敬軒的演出么？

?轉載授權微信：lama129

? 商務QQ：1900556960

?投稿郵箱：tghkchannel@163.com