余文樂戀情得不到祝福很痛心同嘉穎不設防？陳凱琳嚇窒：問呢啲

娛樂 01-08

新歌推薦

天變地變情不變

= 李幸倪 =

今日快報

真．不和？吳業坤向胡鴻鈞批踭嗌只揪

歌手吳業坤近期在樂壇頒獎中收穫豐富，但卻同時被指人氣高企而囂到爆張流失朋友，他接受訪問時已經否認咗呢件事，話如果自己囂張朋友會出聲唔再同佢做朋友。為咗更具體朋友依然存在，吳業坤傍晚在社交網上載了一條短片，稱為「只揪」。

究竟同邊個只揪咁嚴重，片中就見到同期出道嘅好友歌手胡鴻鈞喇，片中大大隻字寫住「不和」，而吳業坤先作勢向胡鴻鈞來個批踭，胡鴻鈞相當配合再嚟個避開，然後作狀出拳反擊吳業坤。咁當然系作狀冇真打啦，其實佢兩個都系自嘲諷刺嚇啲傳聞，用行動力證二人依然友情堅固啫。

同嘉穎不設防？陳凱琳嚇窒：問呢啲！

與藝人鄭嘉穎蜜運中的前港姐冠軍陳凱琳（Grace），出席某活動。以連身透視短裙上陣的她，透出事業線，大曬長腿，認真吸睛。有鑒於男友出席活動時，被問到今年可會成家立室，鄭嘉穎就表示意外好難講。Grace甫到場即被問是否可恭喜她了？Grace明顯有備而來，還好Sweet地說：「佢講嚇笑啫，我今日同龔嘉欣拍外景，嘉欣有同我講話我哋好Sweet，但我自己冇睇，唔系佢講，我都唔知。」她續稱男友的答案是最安全的答案：「佢成日咁多答案，咁答系安全答案。（有意外反而系安全？）唔系，咁答系最穩陣。」

問到有意外難講是否代表二人不設防？她沒有正面回答，只再次表示男友是講笑，再問身為教徒的她有沒有婚前性行為？她即愕然及窒一窒說：「點解會問呢啲，我有自己嘅理念，不過咁私人嘅嘢唔好咁公開講。（嘉穎講嘅意外系咪包括突然求婚？）佢唔會咁突破，呢個都算系一個秘密，佢個人唔鍾意突發性改變，例如我有時話去邊度食晚飯，佢都話唔好改啦，咁煩，總之我熟悉嘅佢唔會咁突然，除非有意外。」

問到如有意外，嘉穎是否一個負責任男人？Grace好冧地說：「一定，佢系一個好好嘅男朋友，如果唔系都唔會同佢拍拖，我對佢好有信任，不過佢都講咗啦，我哋暫時想工作為主。（嘉穎心唔心急結婚？）應該唔會，我哋成日溝通，都系身邊人仲心急過我哋，我哋會有準備，唔會畀意外發生，大多數唔會，九成九啦。」又透露自己當嘉穎是Mr.Right，二人是朝結婚方向發展，並謂大家已過雙方家長及長輩的關卡，長輩們很錫大家。問到男友嘉穎會否心急做老竇？Grace說：「工作先，一步步嚟，結咗婚先會生BB。（會唔會為生BB而快啲結婚？）結咗婚先計劃其他嘢，除非有意外，意外對個個都好難講。」

【獨欠桃花運】阿佘爆中過7位數六合彩

藝人佘詩曼在九龍塘出席「廚餘消減活動啟動禮」。訪問時，提到她前晚同好友周家蔚等齊齊拉頭馬，她即指好開心：「仲緊張過自己比賽！因為自己比賽可以掌握到，有啲心水，但只馬系唔識?嘛，好意外！」她更透露贏了四、五位數並打算捐出去，亦表示暫未有做馬主的諗法。問她是否自覺有偏財運，她指自己並非成日賭錢：「喺TVB時就抽中過二、三獎，未試過中頭獎。」更指試過與大班朋友夾份買六合彩，中過七位數字，但不是頭獎：「幾可觀?！」

記者指她正財、偏財運皆有卻獨欠桃花運，她即謂：「唉，唔可以十全十美嘅，我仲有健康嘅！」又謂感情順其自然不可強求。問會否在家中擺桃花兼圍住它行三個圈，她笑謂：「有用?咩？」而提到農曆新年將至，她就指月中會與古天樂拍恐怖片，希望完成後可及時陪家人去澳洲旅行。問會否想有艷遇，她笑謂：「冇諗過。系咪真系有?？定系電影裡面先會有？（一個人去易啲！）一個人去好孤獨！（搵個外籍男友？）同聲同氣會好啲！」

畀4大漢「責」實　祖兒玩遊戲扯傷頸

天后容祖兒近日十分頻撲，不斷來回香港及內地，在香港出席完頒獎禮後又要趕回內地工作，連她日前都在Instagram大曬超忙碌Schedule：「由澳門返香港去海南島再去北京再返香港再去長沙再去湛江。」據知她這樣忙碌原來是參加了湖南衛視的綜藝節目《快樂大本營》，當中她玩遊戲時更首次以身穿清裝打扮亮相，化身「祖兒格格」，而她參與的部份會在大年初一播放。

祖兒透過電話表示遊戲十分刺激，她說：「頭先玩遊戲仲要扯親條頸，畀四個男人『責』咗喺我身上，而我唔知嗰四個男人系邊個！差啲抖唔到氣！」她詳細解釋遊戲玩法：「即系好似爭櫈仔咁，爭個窿然之後捐出去，嗌到嗰個號碼就大家一齊捐出去，我本身捐咗半個頭出去，但點知畀四個男人『搶韁』，勒到我條頸差啲歪咗！」據知這個節目還有謝霆鋒、內地女星唐嫣等人參與。另外，祖兒將於三月尾開始舉行十場演唱會，雖然門票仍未作優先訂票，但內部訂購門票已經爆曬，十分厲害！

拍拖得唔到祝福　樂仔嬲了：讓人痛心！

藝人余文樂上月30日於IG曬出與台灣皮帶大王千金王棠雲（Sarah）游美頭貼頭背影「蜜照」，宣布戀情！近日有消息指王棠雲父親，因與人有錢銀瓜葛，前午曾有多名黑衣人到王棠雲的經理人公司樓下企足三小時作騷擾，幸最後事件得以平息。

而昨天，余文樂在ig發文，指自己收到好多狠話，又謂自己是公眾人物，但為甚麼要受到每個人的評審，指自己受到狠心的留言感到痛心！女友的家人又卷是非，再加上戀愛得不到祝福，搞到樂仔今次真系嬲豬了！有粉絲見到樂仔嬲豬，都留言安慰他，叫他息怒，而樂仔都有回覆粉絲：「沒事了！」

林憶蓮出戰《歌手》　網民嗌愛錯偶像

近年不少香港歌手參加內地歌唱比賽節目，好似「宇宙天后」鄧紫棋都是因為參加《我是歌手2》而爆紅，早前有指《我是歌手》將改名為《歌手》，近日有指天后林憶蓮落實將出戰湖南衛視的《歌手》節目，與來自不同地方歌手作賽，而湖南衛視剛剛在微博鐵定憶蓮將出戰《歌手》，節目將於本月21日首播，每周六播出，聽聞杜麗莎亦是參加者之一。

其實之前網上瘋傳《歌手》參加名單，分別有傳憶蓮、孫燕姿、張韶涵、丁當、側田、張敬軒、陶喆及光良等，亦有網民列出首集陣容，包括：憶蓮、內地歌手譚晶、歌手杜麗莎、歌手袁婭維、蕭敬騰領軍的獅子合唱團、光良及Dimax。而消息一出，即惹來不少網民議論紛紛，有網友直言對憶蓮參加《歌手》感失望，認為偶像在樂壇現今地位不應參加《歌手》節目自貶身份，更留言表示愛錯偶像。

本期話題

你們是怎麼認為的呢？