李亞男自爆曾現抑鬱徵兆 吳若希曬遺體捐贈卡嚇窒網友

今日快報

成日以淚洗面　李亞男自爆曾現抑鬱徵兆

王祖藍與李亞男結婚兩年，恩愛到痹，經常形影皆雙，但原來新婚初期，李亞男因不適應老公經常返內地工作，曾出現抑鬱徵兆經常以淚洗面，她謂：「當時嘅我成日喊，睇電視見到皇上、妃嬪好快樂，我就會邊喊邊問自己「我嘅皇上呢？」點解老公成日唔喺自己身邊。」李亞男當時雖出現抑鬱病徵，但沒有去求醫，因她明白「最佳醫生」是自己老公，李亞男謂：「我無去看醫生，但就有同祖藍講，我唔系好掂喇！佢都即刻為咗我唔接啲太長時間離開香港嘅工作，又或者會同我一齊返內地做嘢。」

老公如此痛錫自己，李亞男當然也會做個好老婆，近年努力習廚，更曾為王祖藍初戀情人下廚，問她當時個心有無半點介意？李亞男大方表示：「當然唔介意，佢只系覺得好搞笑，都咁多年啦。」

黃心穎認定得馬明一個：悶有悶嘅好

藝人黃心穎到澳門出席德晉集團春茗並擔任司儀，身穿低胸露背長裙的心穎心情大好，不時面露甜笑。問她打扮性感可有問准男友？她就指自己沒有男友。再問她可有問准緋聞男友馬國明？她笑說：「我著咩衫唔使問任何人，今日套衫系貼身啲。（真空？）有打底。」心穎表示為了這條裙半天沒進食，但不敢整天不吃，因為要吃飽才能開工。

至於心穎與馬國明的進展，她就投訴記者日日跟著，而且這幾天也要開工，她謂：「今日都大壓力，好多賓客，又拍住葛民輝，如果佢爆肚，我驚我不記得要講乜。」心穎指馬國明不知道她來澳門，覺得不用特別告訴他，對方看報道就會知道。

提到發展機會，心穎坦言：「要再了解。（機會大？）OK嘅。（得佢一個？）呢啲冇得分散投資，得佢一個。」問到對方有何優點？她冧爆說：「大家都知啦，孝順、好仔，悶有悶嘅好，再睇耐啲。（有冇感覺？）點解咁問？OK嘅。」她表示胞姊黃心美沒特別意見，很放心讓她自己選擇。而之前在馬國明的生日以及情人節，心穎自言都沒有送禮給他。

來忘掉錯對　陳小春隔20年再做古惑仔

藝人陳小春到澳門出席德晉集團春茗，他透露網劇《反黑》本來拍至過年前，但現在要拍到2月26日，再過兩日他就要拍電影《古惑仔》，他說：「上次已經系20年前，都系嗰班人做，今次個題材俠盜嘢，會去4個地方，日本、黑山，成班朋友，同埋曾志偉咁。」問到忙於工作會否少見兒子？他謂會用視像：「都掛住，佢依家識叫我。尋日放假之後第一日開工，佢嚟探班，好多人，佢攝埋一邊，我同佢揮一揮手，佢就衝過嚟攬住我只腳，真系好冧，點辛苦都值。」

至於會否追女，小春坦言不知道，未有生女兒的感覺。提到張繼聰預計自己對著女兒會變痴漢，小春說：「生女要醒啲，做猛漢，同埋個仔兩個猛漢一齊保護個女，不過依家努力中，仔女都冇所謂，唔會重男輕女。」講到小春早前被誤傳出軌，但太太對他非常信任，小春笑言入行多年已習慣：「夠料咪做我啰！都開心嘅太太咁做，我辛苦都應該，娛樂嘢就系咁。」

有女王病　吳若希曬遺體捐贈卡嚇窒網友

歌手吳若希正值懷孕期間，閑在家中不時透過社交網舒發情感。昨日佢就上載咗一張鮮花相片，仲髮長文直言自己懷孕期間成日發脾氣，已經演變到女王病，又呻懷孕中嘅媽媽真系好辛苦，佢話：「在這段懷孕期，有時候就是無緣無故想發脾氣，明知道其實沒什麼事要生氣，但就是想生氣，然後吃碗飯或者吃碗面就會突然心情大好，然後又會乖乖抱著（著）被子上床睡覺～（已經幻想到將來的寶寶也會這樣）沒懷孕時已經知道自己是個辣妹子，現在完全發現自己已經從#公主病進化到#女王病～～慶幸的是身邊那個還是依然會容忍你的壞脾氣，你睡不著（著）他會陪你睡不著（著）、你餓他就陪你吃、你無理取鬧他會抱緊你親親你??（對，女生無理取鬧時並不是要男生跟你說道理～～而是要你抱抱她親親她就夠啦）所以，謝謝你愛我。」

咁呢個「你」相信系講緊男朋友ALEX啦，吳若希仲hashtag「#女人#孕期爸爸很辛苦#孕期媽媽更辛苦#下世你想做男人定女人#寫完篇野（嘢）又想發脾氣#我好矛盾#應該系因為餓#對不起我系餓底」睇嚟吳若希真系好多嘢諗喎。點知，佢又上載咗一張「遺體捐贈卡」，仲留言「如果我死了...」。嚇到唔少網民紛紛留言安慰，仲話真系大吉利是咩，叫佢唔好亂講嘢。

蘇永康勤力搵奶粉錢　為見老婆勁頻撲

蘇永康日前請得歌手柳妍熙擔任其清遠演唱會的嘉賓，個唱近兩個鍾，台下觀眾反應好好，全無冷場，他接受訪問時表示：「反應好同揀啱歌有關，當晚有兩對情侶上咗台，兩個男仔向女友求婚，結果兩個都得手，成功抱得美人歸，不過求完婚後，叫佢哋落台溫馨一陣先再出場，因為rundown排咗我要唱首國語歌叫《舊愛還是最美》，佢哋呢個時候實在唔啱聽。」

蘇永康完成清遠演唱會已是半夜一點半，但為做好老公見大肚妻一面，他不怕辛苦照趕返香港的家，休息幾個鍾又要於早上十一點趕飛機到芝加哥繼續登台搵奶粉錢。問到蘇永康睡眠不足可感辛苦？果然父愛真偉大，他說：「唔怕，好在一上到飛機，我立即瞓得著，一路瞓到去芝加哥，到達當晚就演出，因為飛機瞓得太好，所以冇時差，美國華人一直咁多年都喜歡聽電視劇《壹號皇庭》所有插曲，揀歌唔難，全場爆滿，大家一齊大合唱，氣氛好好。」

問到在芝加哥舉行演唱會可有難忘事？蘇永康說最感動是不少當地歌迷為支持他，不惜坐三至四小時車到場館看騷，而最意外是完騷的翌日早上，酒店的接待處致電他房間，問他有位中國籍女子致電給他可會接聽，初時他還以為是女化妝師叫醒他及相約食早餐便照接，一聽下才知原來是女歌迷，他說：「嗰個女仔系睇完演唱會，就試嚇打去酒店度博我聽唔聽，既然我都聽咗，咪同佢傾幾句，原來個女仔話喺2008年睇完我喺九展開騷後，就嚟芝加哥讀大學，主修藥劑師，依家已經完成博士課程，仲喺一間大藥廠做嘢，暫時唔打算返香港，佢就系揸咗三個小時車嚟睇我嘅其中一個歌迷，佢話感謝我由佢到咗美國後，我嘅音樂一路陪住佢，我就同佢講，一個歌手如果喺歌迷生命佔有咁大塊天空，其實系我嘅光榮，之後我哋互相叫加油就收線，佢有教養唔長氣。」

?轉載授權微信：lama129

? 商務QQ：1900556960

?投稿郵箱：tghkchannel@163.com