林奕匡求婚成功老公無錫探班杏兒撐枱腳嘆大籠包

娛樂 03-09

今日快報

恭喜曬！林奕匡求婚成功：She said yes

歌手林奕匡（Phil）早已公開今年會迎娶拍拖九年的女朋友李靄璣（Rikko），只欠一個浪漫驚喜的求婚儀式，之前已多次和傳媒表示已計劃當中會有「行動」！Phil在ig上載一張身在澳門大三巴牌坊前的「冧滋滋」合照，相中Phil攬住Rikko纖腰，而女友雙手捧住一束粉藍及紫色的鮮花，最重要一句是Phil留言寫著：「She said yes！」不少好友及Fans紛紛留言祝賀。記者聯絡上Phil，他承認是求婚成功，而今天會出席活動，到時才和傳媒分享求婚過程。

相隔25年再奪標　曾志偉雲頂封帝

藝人曾志偉與金燕玲及導演黃進於馬來西亞雲頂出席《第一屆馬來西亞電影金環獎》，志偉相隔廿五年再封「影帝」，撃敗同場對手如郭富城及韓國演員郭道元！獲獎後，志偉直言冇諗過可以攞獎，認為廿五年前與今日奪獎有一個共同點，就系與新導演合作：「25年前攞獎，系香港獎項，呢次系國際性獎項。兩次都系同新晉導演合作，嗰次系陳可辛，呢次系黃進。其實我都想佢哋攞新導演獎，結果反而是我得獎！」

志偉又坦言坐在台下等宣布時好緊張，而當志偉得知獲獎時第一時間與戲中飾演老婆的金燕玲擁抱，並激動地表示好開心能夠得到國際評審肯定：「拍咗幾十年戲，出席過無數頒獎典禮，坐喺台下時一樣咁緊張。真系好唔容易，對手都好強，都系來自世界各地嘅影帝，我冇想過會獲獎」。

老公無錫探班　杏兒撐枱腳嘆大籠包

藝人胡杏兒與老公李乘德（Phil）2015年底拉埋天窗，婚後非常恩愛，就算杏兒經常要四圍飛出埠公幹，Phil一有時間就會人肉速遞去見老婆。Phil冇耐之前更新Instagram，上載咗同杏兒喺無錫食小籠包嘅合照。

原來杏兒喺無錫工作時捱病了，貼心嘅Phil就立即放下工作，飛到當地照顧老婆。相中，杏兒面色唔錯，仲對住鏡頭笑得好開心，而Phil就負責揸機影相自拍，並留言話無錫嘅小籠包比上海嘅更大更甜，仲話相信杏兒食完之後一定會好好多！

至於杏而在微博回話：「去完北京宣傳之後，回來就生病了，一直咳嗽，老公就說要來無錫探班。收工之後我就帶了他去吃他最愛的小籠包，他說無錫的小籠包大很多也比較甜，不是小籠包是大籠包！！」兩公婆網上曬愛羨慕死人！

馬國明英雄救美　爆黃心穎對佢有好感

藝人馬國明一身古裝Look現身電視城，拍攝無線新劇《深宮計》，他說：「拍得都幾順利，可能拍劇都要講熱身，之前都有啲甩咗進度，依家每日都拍得曬。（同緋聞女友黃心穎幾時有對手戲？）遲啲，嗰場戲講我救咗佢，佢就對我有好感，會傾慕我。（同現實中你哋嘅關係似唔似？）唔似，我冇救過佢，亦都feel唔到佢傾慕我。（仲有冇約埋去睇戲？）冇啦，好耐都冇睇戲。（你份人太慢熱？）劇中個角色好慢熱，我現實中冇咁慢熱。（唔少網民都睇好你哋有好發展？）咁犀利？多謝！我唔知呢，你問嚇佢！」

唯美大肚寫真　張名雅執定走佬袋等生B

港姐張名雅上年與律師老公Joe結婚不久便正式宣布懷孕，更一索得男，名雅即將便要生B，更已準備「走佬袋」，隨時迎接小王子誕生。日前，名雅與老公就齊齊影了一輯大肚寫真相，影時BB都不時狂踢她，真的是三為一體感受溫馨時刻。名雅接受訪問時謂：「其實我個肚都唔系太大，後面睇都唔系好知我懷孕，由懷孕至今我只重咗十幾磅，屋企人都叫我出街時要小心，其實呢輯相我想影好耐，但之前攝影師話個肚唔大，出嚟效果未必好，不過今個星期個肚突然大得好快，出嚟效果都好好。」

名雅之前都為自然分娩還是開刀生B而掙扎多時，她現在坦言決定自然分娩，希望挑戰十級痛，她謂：「其實之前都經歷過一段掙扎，自己都幾恐懼，成日同老公講，開刀我又驚，自己生我又驚好痛，老公叫我驚痛不如開刀，但我自己都想試嚇自然分娩，挑戰嚇究意有幾痛，而且自己生可以快啲復元。」問到會否趁後生生完追多個女時，她即謂：「都想?！有個仔當然想追多個女！不過又唔會畀太大壓力自己。」

孖翻版李雲迪行街！吳千語冇林峯唔識笑

林峯最近頻頻於內地拍劇，經常和女友吳千語要分隔兩地，幸好千語BB身邊兵多，唔至於悶親！繼早前千語和形象指導好友馬天佑行街玩到癲，於鬧巿旁若無人幫男方推腰，日前千語BB又有新伴登場！該位男友人與鋼琴王子李雲迪如同倒模，「老翻李雲迪」除了較為瘦弱，其外貌、髮型甚至一身紳士打扮均似足李雲迪，男伴精心裝扮，但千語BB卻一臉素顏，戴上粗框眼鏡示人，狀態認真一般。