32歲楊愛瑾宣布早產誕B！鄭俊弘認甩未婚妻：何雁詩好支持我

娛樂 04-11

今日快報

鄭俊弘認甩未婚妻：何雁詩好支持我

藝人鄭俊弘（Fred）被爆同歌手何雁詩拍拖，之後即被人爆料話佢原來有名拍拖三年嘅有米女友Beebs，Fred仲一度求婚，但分手收場，事件令雁詩被懷疑係小三，Fred原本嘅健康形象亦急挫！Fred喺唱片公司老闆何哲圖陪同下，去到唱片公司接受無線娛樂新聞台訪問，拆解呢次「三角戀」！Fred戴住賊子帽同眼鏡，全程表現輕鬆，似系有備以嚟，訪問如下:

主持：同兩位女仔Beebs同何雁詩關係點？

鄭俊弘：我認同呢位Beebs系有段感情，拍過拖，一路都系低調處理，唔想曝光，呢樣系有共識嘅。有求過婚，我覺得兩人關係去到某地方，可以再好啲，就做咗呢個衝動動作，但佢唔想同我結婚，唔想同我組織家庭。我系相信愛嘅一個人，仍然好樂觀，我做音樂都系想放正能量，我承認我系處理得唔好，不過同以往一個已經系了結曬，冇聯絡，唔會再有拖泥帶水。完結咗，希望重整自己生活工作，自己relax嚇先，我承認我系有好多缺陷，好似保持關係方面要繼續學習，我系有錯，會承擔，今次繫上咗好大嘅一課，之後我會努力，我會反省。

主持：何雁詩系第三者，系咪都唔好意思？？

鄭俊弘：系！畀咗好大壓力，我同佢有聯絡，佢受咗好多不必要嘅煩擾，唔止佢，仲有朋友、家人、公司，抱歉令咁多人擔心，今日同尋日，想澄清佢（何雁詩）唔系第三者。

問：有冇唔開心？唔想見咁？有咩同受影響嘅人講？

鄭俊弘：唔系我控制範圍，冇辦法，過去就過去，只可以向前看，做好自己工作，重組自己嘅嘢，做好啲。呢一兩日收到好多message，好多朋友message，你哋嘅支持、愛，我絕對系會收到，系真嘅，屋企人永遠都支持我，好感激，我嘅精神支柱系屋企人。

眼仔睩睩超萌！32歲楊愛瑾宣布早產誕B

恭喜！32歲嘅「餅碎」楊愛瑾（Miki）喺Instagram宣布上月30號為老公郭永淳生咗B，不過就冇透露系仔定女，佢留言：「My little thing couldn"t wait to see the world and decided to come out early！We look forward to bringing Baby LuLu out and meet you all soon!」tag系#newborn #babylulu #03302017 #happy1weekold #一出世就眼仔碌（睩）碌（睩）」

公開戀情？沈卓盈生日露香肩曬情侶戒

近日33歲生日嘅「沈大師」沈卓盈（Jess），日前就獲一班圈中朋友包括陳凱琳、陳庭欣、樂瞳及譚凱琪等同佢慶祝，咁正日留番畀邊個呢？

早前被指同經營家族內衣褲出口生意男友拍拖嘅Jess，今日凌晨就喺Instagram上載咗兩張相，見佢悉心打扮，著得好靚，同之前孖陳凱琳佢哋慶祝時嘅「Hea Look」簡直天同地比！大曬香肩嘅佢留言話：「Thank you for arranging me these birthday dinner again, it is indeed delightful~」（多謝再次為我安排生日晚飯，真系好令人開心！）未幾，佢又再upload一張兩隻手揸住酒杯嘅相，而亮點就系對情侶戒！睇翻之前啲相，已經見到Jess戴上一樣嘅戒指，而另一隻手系邊個？咁Sweet，唔系男友系邊個喎？！

咁慘！許志安開騷酬勞竟然得3,800蚊

歌手許志安（安仔）、RubberBand、Supper Moment、觸執毛及Dear Jane出席音樂會記者會，接受訪問時，安仔透露今次的音樂會由上次的《18安士音樂會》加到《21安士音樂會》，但就未知道會加入邊三位歌手或單位，因為開完上次音樂會後聽到有好多歌手都好想一齊上台Jam歌。

問到有甚麼心水歌手，安仔說：「我冇所謂，唔開名啦上次好不約而同聽到有歌手同唔同人講，系開心事嚟嘅！」其後安仔又表示今次是首次拉闊售票的音樂會，所以都算是創先河，又笑言自己當年跟陳慧琳做第一屆的拉闊音樂會。

提到可會怕有人炒飛，他們笑言叫大家要儘快買飛，更覺得對歌手和樂隊是個好尷尬和矛盾的心情，只希望所有想看的歌迷都能夠入場。安仔又指自己只收3,800蚊（港元）酬勞做這個騷，所以在經濟角度是不合乎收益，只是一班喜歡音樂的傻仔去做。另外，問到他們可有給意見安仔，Sunny＠Supper Moment搞笑指叫安仔不要那麼大隻，站在大家中間好自卑。

梁朝偉包到冚　凈低電眼殺死人

梁朝偉和劉嘉玲不時出雙入對，最近兩人各有各忙，昨晚嘉玲低胸性感出席活動，不時有設計的她，揚言老公給予不少靈感；而日前梁朝偉則獨自出巡，全身包到冚，唯獨露出一雙電眼已夠凼到售貨員笑到見牙唔見眼。

影帝梁朝偉日前下午4時包到冚出巡中環，戴上Cap帽及口罩的他幾乎將整塊臉遮到實一實，只露出一雙招牌電眼，仍不難被認出。梁朝偉單拖行名店依舊悠然自得，只見他入到店內揀不停，不時穿梭試身室，試了不少新裝，逗留約一小時始離開。店員對梁朝偉照顧周到，他離開時禮貌地揮手bye bye，凼到大家笑到見牙唔見眼，大有收穫的偉仔其後拿著大袋戰利品再往其他店鋪閑逛。