尺度大唔敢登！傅穎寫真遺珠曝光葉璇「變臉」記者認唔出

娛樂 04-11

今日快報

尺度大唔敢登！傅穎寫真遺珠曝光

近年長駐在內地發展的傅穎近日連接兩部電視劇《武當一劍》及《新龍門客棧》，身在橫店的她說：「因為同時拍緊兩部劇，所以要走嚟走去。」《武》劇因全部實景拍攝，劇組曾到雪山取景，她說：「拍呢套劇經歷過好凍嘅時候，喺阿爾山系零下負二十幾度，又試過喺北京郊區風沙有七級咁大拍攝，現場大家每講一句對白，擘大眼都會入曬沙，所以拍呢部劇系比較攰。」

在《武》劇中她與內地演員威力斯飾演一對，傅穎表示她在兩齣劇中不約而同都有個好愛她的老公及大肚有BB，在《新》劇中她飾演「王妃」，陳曉東做她老公「賢王」。現實生活中已有蒙古男友的她可想過生BB？她說：「暫時未有生BB計劃，我估過多兩、三年再諗呢個問題，依家唔系好急住想生BB，我諗點都好將來結咗婚之後先生。」她坦言與男友各有各忙，但兩人拍拖有一段時間，感情都穩定。

此外，傅穎在微信社交網張貼了一張開胸性感照，原來這張照片是去年出寫真集的「遺珠」，她說：「呢張相冇擺落去寫真度，其實本身冇特別嘢睇，可能角度問題顯得性感一啲，但驚個尺度太大，如果買書系年紀細嘅朋友唔系咁好，所以最終冇放落去。」她笑言在感覺安全情況下穿著影相，她覺得還可以，但平日就不會有這種機會穿出來，她笑說：「因為唔夠膽。」

女神雲集！陳凱琳整Cake賀沈卓盈生日

藝人沈卓盈（5日）就33歲生日喇，恭喜曬！圈中人緣不錯嘅佢，當然有大把人同佢慶祝啦～近日佢就喺社交網上載咗生日會照片，出席者全部都系靚女，睇嚇有邊個先，陳凱琳、陳庭欣、尹詩沛、李君妍、樂瞳、譚凱琪，全部都有番咁上下質素。陳凱琳仲好有心，親手整咗個兔仔為主題既生日蛋糕畀壽星女，難怪壽星女開心得笑逐顏開啦，個生日P咁多靚女，搞到好多網友都話想出席，但系呢啲聚會大家都系恨唔到咁多架喇，大家都系睇嚇相當去咗啦。

文詠珊越南大解放　長腿低胸樣樣齊！

藝人文詠珊（JM）經常到外地工作，私人時間少之又少，不過最近佢就忙裡偷閒去咗越南玩，去到當地仲大解放騷長腿，影咗啲靚相放上網，留言話：「給自己最後一個的小假期，只是有點小失望，因為來了三天沒有一天是睛天[委屈] 太陽伯伯你幹嘛躲起來不出來見我呢[抓狂] 照片沒有陽光下也只能這樣了[失望]」

其實JM唔使失望啦，因為網民都大讚影得好靚！淡妝上陣嘅佢皮膚白滑，著上背心短褲散發青春性感美，其中一張JM仲著住性惑白色連身裙，心口位有交叉帶設計，若隱若現露出事業線，睇到網民流曬鼻血，仲話佢已經大個女?！

入場都唔知！「變臉」葉璇記者認唔出

庄思敏、葉璇、王敏奕、劉香萍與葉童等陸續現身劉偉強生日會，帶著一份粉紅色禮物包的庄思敏，被問到送甚麼禮物給壽星公？她笑言：「之前買過酒，但見好多賓客都買，所以今年實用啲，買咗男士服飾，因為比較實用啲。」

而久未在港露面的葉璇，一支箭標入會場，由於她的樣貌與之前有些不同，所以在場記者都未能第一時間認出，之後大家再叫葉璇出來做訪問，她都大方無托手踭，問她是否特登來港出席劉偉強生日會？她謂：「唔系，本身有嘢做，留兩、三日。（送乜嘢畀劉偉強呀？）系一啲擺設。（點解男友唔嚟？）因為今次我嚟系做嘢，佢都有嘢做，所以無嚟。」之前有傳葉璇同男友感情生變，葉璇則否認：「冇，一向都好多傳聞，我哋OK呀。（幾時結婚？）呢啲嘢順其自然啦。（如果男友求婚呢？）我唔會答，好似預早話畀佢聽咁，到時先會答。」