高飛病逝，錢嘉樂嘆可惜！包場睇戲兼變臉，陸詩韻認有打針做微調

今日快報

Angelababy遇火災：聽說把橋給燒塌

女星Angelababy更新了微博，她表示遇到了火災，並上載了多張現場照片，留言：「經過大火附近，聽說把橋給燒塌了一小段。怪嚇人的，希望沒有人受傷。」照片中能看到濃煙滾滾，火勢很大，經過的司機紛紛放慢速度朝發生火災的方向望去,網友紛紛留言「Baby人美心善」、「希望沒人受傷，女神注意安全」。

周柏豪唔知自己乜風格　迷惘幾年唔識行

歌手周柏豪接受電台訪問，講到他出道十年，他坦言曾經歷迷惘期：「入行第三、四年唔知自己音樂風格系咩，搵唔到唔知去邊好，覺得點樣先可以滿足觀眾又可以做得開心，最後發現一個音樂人其實唔需要搵自己屬於邊類，每個人都系獨特，每個人都有自己style，所以就系做自己。（搵人問意見？）每個人都有好多意見，最後都系自己妥協。」他亦謂自己做任何事都要有計劃，不能即興，講到將於下月舉行演唱會，他表示近日忙於拍劇之餘，都落力籌備個唱：「會諗今次演唱會想喺里程碑寫下啲咩。」

張國榮離世14年　摯愛唐鶴德發文懷念

2003年嘅4月1日，香港巨星張國榮離開咗大家，相隔14年，大家對張國榮的思念未有減退，唔少人趁住今日4月1日，都喺社交網發文甫相悼念已故巨星張國榮，當中包括周慧敏及王宗堯等，周慧敏更甫出同張國榮嘅合照。而張國榮的摯愛唐鶴德，亦有在社交網甫相併留言懷念張國榮：「夜天花板有這段戲，總關不上心裡的放映機.....」

高飛病逝　錢嘉樂嘆可惜：電影界嘅損失

資深動作演員高飛近日病逝，曾任監製、導演、武師、演員等的他，與圈中不少藝人也很熟絡，原來梁烈唯與高飛亦關係密切，他接受媒體訪問時謂：「高飛同我大伯、爸爸都認識，系我uncle，之前我去大埔睇波，佢咁啱都喺度，所以就地影咗張合照。張相當時系2014年4月影嘅，當時佢搞緊聯賽，仲問我有冇興趣踢。

而與高飛相識三十年的錢嘉樂，目前身在歐洲拍電影，但當收到對方離世消息，亦感愕然和大嘆可惜，他接受媒體訪問稱：「我哋都識咗三十年啦，我依家喺歐洲拍緊電影，都系呢兩日收到啲朋友嘅消息先知，十分可惜！（印象如何？）佢成日同洪家班合作，亦系明星足球隊隊友，成日見面，但近年各有各忙就少見咗，收到呢個消息好愕然！佢嘅離世，對電影界尤其動作電影系一個損失，佢好努力，貢獻咗好多！（會向其家人施援手？）依家我喺外國未詳細了解到，但我都叫咗武師公會一班手足去了解情況，睇佢家人有冇嘢需要幫忙，一定全力幫手！」

而香港動作特技演員公會副會長梁小熊，表示這幾年高飛沒有出席公公會的活動，不清楚高飛是否會員，要經查核過才能認證：「不過如果有朋友需要幫忙，我哋絕對義不容辭。」

鄭希怡做《溏心3》富豪：多謝無線優待

藝人鄭希怡（Yumiko）現身時裝活動，她透露剛才拍攝無線電視劇《溏心風暴3》，並在劇中飾演女富豪，她感謝獲無線優待說：「我喺劇中坐直升機同名車，又有保鏢，用咗好多Budget，好榮幸。（有冇出動私伙靚衫？）有，黃伊汶仲贊助我服裝、手錶同首飾。（拍劇有冇影響你湊小朋友？）冇，因為我只系客串，時間唔長，每日拍幾個鍾，系最靚嘅狀態，而且仲可以見番好多朋友，好似張衛健、劉心悠。」

Yumiko稱距離上次拍劇已經九年，問到會否不習慣？她稱不會：「心態唔同，覺得自己做戲比以前好，更加放。（有冇上癮？）都會，今次拍劇自由度好大，會大家商量點樣做得更好，好有樂趣，大家合作好開心。」

提到好友葉佩雯（Grace）因荷爾蒙失調引致體形暴脹一事，Yumiko坦言Grace的病也有一段時間：「希望佢快啲搵到好嘅醫生，雖然佢老公鍾意佢有啲有肉地，但身體都緊要，要快啲調理好。（有介紹醫生或者食療畀佢？）叫我煲嘢食就幫唔到佢囉！如有啱嘅醫生都會介紹，但唔敢亂咁介紹，希望佢快啲調理好，生個BB。（佢應該唔會生？）呢個世界好多意外。」

包場睇戲兼變臉　陸詩韻認有打針做微調

藝人陸詩韻（Sharon）出席「第三屆衍生獎學金啟動禮」，與大家分享勵志故事，她坦言自己小時候亦是住在深水埗，是草根出生，不是富貴家庭。

提到近日Sharon被指變臉兼富貴包場請朋友睇戲，她笑說：「好悶呀，已經講過好多次，我個樣唔同咗要多謝大家先，即系我個樣靚咗，同埋我做緊護膚品生意，當宣傳啰。咁女大十八變，識打扮，無可厚非會有啲出入。」又坦言曾有打針作微調，例如瘦面，因她當時為醫學美容做代言：「好微嘅啫，要做手術嗰啲我就覺得冇咁嘅需要，每個女仔都想靚，但我覺得唔可以冇咗自己嘅框架。」

至於被指富貴包場，Sharon謂經常被指突然富貴，而她身邊的人就被指是富豪：「好彩我身邊嘅男士唔介意，大家得啖笑，我富貴就唔包咁細嘅場，直頭喺我嘅影院睇啦，如果有嘅話。」又指因身邊很多朋友想睇同一套戲，所以才包場，而且約20人觀看費用只需4千港元：「一件咁健康嘅嘢，出到嚟變咁樣，我食曬。」問到可有被問價？她指有人曾以7位數邀她接Job：「問佢系咩性質嘅工作，佢凈系話食飯、行街，我就會婉拒，我唔信有咁大隻蛤乸隨街跳！」

?轉載授權微信：lama129

? 商務QQ：1900556960

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！