詩詠爆喊　洪永城力撐：不要再傷害她徐濠縈自揭婆媳不和婚變傳聞真相

娛樂 05-19

今日快報

詩詠爆喊　洪永城力撐：不要再傷害她

33歲洪永城（Tony）同36歲唐詩詠拍拖兩年半無奈分手收場，Tony出席活動時扮曬輕鬆，佢否認「被分手」，又自爆年初已經同詩詠分開。講到詩詠被指另結新歡，Tony仲為詩詠護航。之後詩詠晚上喺西環拍劇，一度按耐不住情緒崩潰爆喊。

唐詩詠表示：「我只系喺一個生日聚會上見盧先生，張相系一個Annual Dinner入面佢搵我影嘅合照，喺嗰時我系完全唔識佢，佢只系一個普通朋友，喺我嘅感情生活入面系完全冇關嘅一個人，唔知點解有啲咁奇怪傳聞出咗嚟，我亦都無辦法去考究到，我都搵唔到點解。」

說到此時她開始哽咽，她續說：「我好想講系，睇到篇報導，你哋會講好多，點解我會變咗一個貪錢既人，點解講到我好似畀人包咁呢。」

說到這裡她已按耐不住狂哭，她冷靜一下後再續說：「我喺呢行都做咗十幾年，我一直都用我既行動話畀大家聽，究竟我系用一個咩嘅人生態度去生活。我好努力去工作只系希望大家可以睇我嘅作品去感動大家，我從來唔系一個貪錢既人，以前唔系，依家唔系，以後都唔系，喺我嘅世界愛情就系愛情，包括呢一樣嘢，我覺得你地講呢番傳聞對我好唔公平，系好傷害性，同埋唔好再喺我嘅感情世界入擺好多唔同既人入去。」

洪永城再發文力撐詩詠，佢喺ig留言：「同詩詠一起的這段時間，我見證著（著）她的努力、為事業的付出，她所花的每一分每一毫，全都是她自己很辛勞的賺回來，希望大家不要再傷害她。失實的報導（道），亦希望從今天起遠離她。」洪永城，有情有義真．男人！

靚靚大肚婆胡杏兒同陽光玩遊戲

2015年下嫁圈外老公Philip Lee（李乘德）嘅藝人胡杏兒，日前就宣布成功造人，唔少嘅圈人都好戥佢哋高興。而Philip今日就喺社交網站上載咗一張同老婆去旅行嘅靚相。雖然相中就未見到杏兒嘅孕肚，不過就見到佢企咗喺泳池邊，而且身穿黑白間條嘅泳衣，仲戴埋太陽眼鏡，果然做足準備去同陽光玩遊戲！一班網友除咗恭喜杏兒之外，仲大讚佢勁似妙齡少女，一啲都唔似系准媽媽。

徐濠縈自揭婆媳不和婚變傳聞真相

藝人徐濠縈（阿徐）為經理人兼好友鄭紹康打響頭炮，亮相由他主持的奇妙電視節目《天下第一Friend》做嘉賓，阿徐由A餐B餐、婆媳不和以至跟陳奕迅（Eason）屢傳婚變等坊間傳聞，一律有問必答毫不迴避，非常畀面！

對於種種傳言，阿徐淡然說：「成日話我哋分手、離婚，慣曬啦！咪由得人講啰，時間系最好嘅證明，即管放長雙眼！」阿徐自言和Eason都是絕少看報道的人，更不會將坊間傳聞拿作話題：「好似A餐B餐咁，到依家我都分唔清自己系A餐定B餐，是但啦！至緊要系佢（指陳奕迅）揀啱咗自己嗰個餐，佢啱食咪得啰！」

至於傳聞阿徐下嫁Eason時陳家曾大力反對，嫁入陳門後婆媳關係仍然惡劣，對此阿徐掩嘴笑道：「我哋結婚嗰陣米已成炊，包包（兩人愛女）都已經歲幾啦！仲反對？而且我同奶奶關係好好，佢成日買小禮物畀我，又會帶朋友來鋪頭幫襯，咁我當然唔敢收佢錢啦！哈哈！」

講到被指是大花筒，阿徐說：「咁要問陳奕迅啦！其實我又唔鍾意買珠寶，又唔買名車，如果以強中弱來分大花筒，我只系適中啰！當然每個人把尺都唔同，至緊要系身邊嗰個唔覺得你過份！」阿徐頓一頓笑說：「可能佢仲大使過我！」

回想當年跟Eason在華星年代認識，當年Eason寂寂無名，今時今日則成為歌神，阿徐說：「有時我哋都會攞番嚟笑嚇，依家冇名嗰個系我，我只系Eason嫂！」阿徐表示最窩心是當年還在無線時，因為太不喜歡做娛樂圈，Eason好型地對她說：「你撈唔掂?喇！等我嚟啦！趁仲未搬入將軍澳，好走啦！」阿徐爆笑說：「嗰年我27歲，就咁息影咗！」

阿Sa一個養全家　堂妹英國留學都系佢供

藝人蔡卓妍（阿Sa)出席於中環舉行的品牌開幕剪綵儀式，問到品牌是否送了很多手袋給她，她表示：「系呀，做完活動都有禮物收。（會唔會同媽媽分享？）會呀，佢會好開心，女人最鐘意就系手袋、鞋同飾物。（唔系錢咩？）錢個個都鍾意啦。」

談到Sa媽是否潮人？她說：「佢系一個好樸素嘅人，有時會覺得我買啲款好誇張，所以依家都好少買嘢畀佢！」問是否儲錢買樓？她說：「我好大支出?，樓、車、屋企人、狗仔、工人姐姐、阿嫲同埋要供我堂妹去英國讀書，好貴呀。（家庭支柱？）細個都想去第二度讀書，但當時屋企條件麻麻。而堂妹畫畫好，有藝術天分，唔好浪費！（要50萬一年？）差唔多，我冇兄弟姊妹，堂都叫做親，佢又細我好多年。（自己會唔會讀？）唔系太想。（想嫁人？）都唔系呀，隨緣啦！」

談到年紀都唔細，她說：「真嘢唔好攞出嚟講，自問都keep得幾好，想搵多啲錢先。同埋佢啱啱先完Foundation，依家先大學，要供三、四年。」她同時表示小時候一直住在鴨脷洲，希望堂妹可以增長見識：「因為住喺鴨脷洲啲人通常都會留喺度，我唔想佢好似我咁，我想佢去第二啲地方見識多啲。（會唔會想探佢？）佢唔喺London，系再遠啲，都好開心嘅見識其他地方，因為佢性格本身都內向。」

自爆畀人話好娘　陳瀅曬巨乳反擊