啱曬大肚婆！方媛松身衫遮肚賣泡泡裙是非纏身！何雁詩祭祖被老竇訓話

娛樂 05-07

今日快報

啱曬大肚婆！方媛松身衫遮肚賣泡泡裙

方媛上個月中同郭富城結婚，正式成為天王嫂，雖然升咗呢，不過方媛都冇放棄佢嘅事業，佢經營咗一段時間嘅服裝網購生意，依家都繼續有做，凈系喺結婚之後停咗差唔多兩個星期冇更新，啱啱方媛又推出新產品,之前方媛推介嘅衫主打都系剪裁貼身Sell靚身材。

今次出現唔少比較松身嘅衫，其中仲有一款系泡泡裙，絕對適合孕婦穿著，就算有咗5個月都隨時睇唔出。一直傳有喜嘅方媛今次主打Sell松身裙，唔知系咪為自己將來準備定？

是非纏身！何雁詩祭祖被老竇訓話頭耷耷

何雁詩和鄭俊弘（Fred）爆出戀情，其後男方被踢爆另有未婚妻，直接令到何雁詩蒙上涉嫌第三者之名，被網友鬧爆，早前一度公開呻遭受網路欺凌的她，最近終於壓力爆煲，日前撇下男友，在父母陪同下往祭祖，祈求祖先庇佑遠離是非。

當日下午何雁詩出席完活動後即駕車前往西貢買咖啡，期間步入電話鋪閑逛，又往地產鋪逗留了一陣，未幾再上車直駛往荃灣會合父親，不太熟路的兩人左兜右兜一陣，終於泊好車聯同親友們往拜山。為表誠意何雁詩主動幫手拿燒豬，只見她步履輕盈地步上山，及至發現記者，何雁詩笑意盈盈地打招呼，然後說：「我約咗屋企人拜山咋，你哋唔會喺度見到阿Fred囉，喺度見到佢都幾驚。」

何雁詩和家人於墳場逗留了45分鐘始離開，只見她乖巧地幫手搬祭品，及至下山時何父一直陪在她身邊，頻頻向她訓話，只見何雁詩頭耷耷，不時點頭示意，其後和父母齊齊登車，直返大埔寓所。

【洪永城呢】唐詩詠生日前約翠如飲嘢

近日（3號）系唐詩詠36歲正日生日，當日詩詠於大陸出席好友們周家蔚、曹永廉（阿廉）等旗下品牌的活動，壽星女詩詠當日以一襲紅裙示人。眾人於活動中，更送上蛋糕給她驚喜,詩詠接受訪問時，坦言今年生日在佛誕覺得很有緣分，而她與一班好友們工作完畢後亦到機場吃了一餐飯，她表示生日於工作度過相當開心。問到之後會否與家蔚、阿廉等人齊齊合作做生意時，詩詠不諱言之後都會跟他們有不同的合作。此外，提到有指她與好友黃翠如齊齊於中環飲嘢、行街，詩詠就話：「哦！冇乜特別，都系生日前大家飲嚇嘢、食嚇飯啫！」

陳佩思服藥自殺戲出事入ICU：個量多咗

藝人陳佩思（Pancy）出席英皇電影《失眠》首映，透露戲中演慰安婦，還要於黃秋生面前咬脷自盡，她表示與影帝秋生演對手絕對獲益不少，更指另一位影帝林家棟亦有現場指導，儼如其戲劇老師，對於早前Pancy為電影《常在你左右》拍攝一場服藥自殺戲時，因人為失誤而不慎誤服藥物，及後被送到深切治療部（ICU）治理。

Pancy承認當時的確有少許意外，但當要求她講述事發經過，她卻吞吞吐吐，似不欲多談：「都過咗一段時間啦！（劇組話冇咁嘅事？）系冇講到咁嚴重，我系有入到ICU，如果真系食咗安眠藥，今日就唔會企喺度。（你話系件事系人為！）系，人為都有好多唔同，唔系有人特登傷害我，好感恩我可以繼續拍戲。（咁有冇人同你道歉？）每個人自己都會唔小心，唔小心嘅嘢就由得佢過去，大家繼續向前望。」

問到當時究竟吃了甚麼出事？Pancy經理人即代答，表示當日Pancy收工後由助手送回家，過程間發現Pancy很眼瞓，狀似身體不適，及後便送她入醫檢查，故未有跟劇組詳細談及，Pancy則透露醫生診斷後，指她對某些藥物敏感，更謂：「可能個量多咗！（咁拍攝系咪食真葯？）呢啲嘢系關於我身體私隱，總之唔系真葯，只系呢樣嘢食咗會對我身體有反應，並唔系好似寫到咁嚴重。」問到可有洗胃？Pancy繼續以涉及私隱為理由不想多談，僅指自己對某些物質產生敏感所致。

長腿大解放！余香凝孖陳家樂游沖繩