她是落選港姐，照顧短腸症兒子四年，如今再添一女樂融融！

每對父母都希望自己嘅小朋友可以健康快樂地成長，但世事唔系必然。與陳茵媺、周家蔚同屆、06年落選港姐曾瑞珊就沒那麼幸運了。

曾瑞珊11年與圈外男友結婚後誕下囝囝甘珞龍(小龍)。小龍出世唔夠三日，就被診斷患有「短腸症」。

曾瑞珊透露小龍啲腸唔識扭番正常位置，導致血液未能流到腸，最後搞到壞死，正常小朋友可以扭番靚個位，但小龍就唔識扭番轉頭。

曾瑞珊自言小龍出世時與其他嬰兒無異，體重達7磅，樣子得意可愛。可惜一家人開心時間只有十幾個鍾。

對此曾瑞珊好自責咁話﹕「我由懷孕到BB出世都系開心媽咪，但知道囝囝有事一刻(心情)系由最高跌到去最低，真系喊到癲咗，喺醫院踢櫈，因為一開始冇人預佢咁嚴重。」

「偏偏原來我個仔就系咁嚴重，好怪自己唔及早發現，怪自己點解唔緊張啲、怪自己唔做多啲資料搜集，喊到天崩地裂，隔咗咁耐同朋友講番，覺得自己人生第一次做女主角。」

到現在小龍已經動過五次多手術，經歷過吐血、屙血等病痛煎。大腸功能全失，需要全部切除，而體內僅余的兩成小腸，可以令身體吸收足夠嘅營養，但佢需要接駁喉管到胃部，長期注輸營養，而左腰間亦駁有「造口」，作排泄之用。

幸好，小龍性格樂天，與其他小朋友一樣返學，喜歡笑同唱歌。

母子與病魔搏鬥四年半，但橡筋拉得太行亦有斷嘅一日。兩年前曾瑞珊同老公更陷入離婚邊緣。

曾瑞珊話﹕「有段時間我系好抽離，覺得個小朋友唔系我嘅，但我又有責任去照顧佢，去到醫院我仲識得笑，因為我知我唔可以『冧』。

曾瑞珊之後有去睇精神科醫生，幸未去到抑鬱病咁嚴重，當絕望嘅時候仲問咗自己一個問題﹕「仲想唔想要呢頭家？」阿珊話好快有答案﹕「要！」

說到對老公的評價，曾瑞珊認為作為老公系有待改善，但做一位爸爸，佢絕對系more than滿分，佢真系細心。

兩夫妻經過一段時間磨合，最後決定生多個小朋友，是因為有次見到一位年約十歲嘅院友突然走咗，而佢父母剩系得佢一個女，所以曾瑞珊想阿仔真系走，她會很絕望的。

上月曾瑞珊終於升做第二任媽咪，誕下次女融融，日前一家四口到數碼港行草披、曬太陽、唱歌仔，平淡生活，但已令佢覺得好幸福。

曾瑞珊話﹕「今年母親節，最大願望系阿仔唔使喺醫院過，我已經好感動，因為過去幾年嘅聖誕及新年都要喺醫院......我哋幫囡囡改咗個名叫融融，因為想佢做人開開心心，幾時都樂也融融。」

生活在這麼堅強有愛的一家中，期望小龍的病儘早痊癒~

喜歡這篇文章嗎？立刻分享出去讓更多人知道吧！