西灣河海鮮天堂！住海景食10大精選美食

位於西灣河的海鮮餐廳Cull 』N Pistol，最近推出全新夏日開胃菜單，一齊睇睇10大精選美食。

全新開胃菜式包括有打頭陣的皇帝蟹肉沙律 ($148)，選用本地有機復古蕃茄及沙律菜淋上海藻鹽及檸檬汁，配上阿拉斯加皇帝蟹、法國三文魚子，味道清新。

另外，同樣是新菜單之一，亦是大廚推介菜式的蟹肉餅 ($108)，裡面有滿滿阿拉斯加皇帝蟹肉餡和蔬菜粒，並配以自家製芥末蛋黃醬，而且外層炸的粉漿不會太厚，開胃之餘又可吃到啖啖蟹肉。

龍蝦是餐廳的主打菜式，特別推介龍蝦包 ($188)，配上自家製醬汁，酸甜開胃，啖啖龍蝦肉好滿足。

如果還未夠喉，可點烤龍蝦義大利飯 ($238)，有大半隻龍蝦在上面，肉質鮮甜，而且義大利飯是由龍蝦汁煮成，口感煙韌。

如果想試其他海鮮，可點主菜之一的海鮮串燒 ($158)，一份有兩串，有齊帶子、蝦、八爪魚和三文魚，配上摩洛哥薄荷香草醬，十分惹味。

廚師還推介香烤鱸魚 ($168) ，原條鱸魚燒到外皮香脆，魚肉夾著檸檬香草，啖啖肉非常juicy，適合一大班朋友享用。

現場還有新鮮生蠔供應，可向侍應詢問當日精選。

甜品有藍莓芝士蛋糕 ($58)、義大利芝士餅 ($58)、朱古力慕絲蛋糕 ($58)；義大利芝士餅不會太甜，現上焦糖醬更帶出咖啡香味。喜歡吃朱古力的朋友不妨一試朱古力慕絲蛋糕，香濃朱古力味，甜而不膩 。

除了美食，Cull 』N Pistol環境幽靜，從餐廳內望出還見到海景，食落特別有感覺，週末來這裡食個brunch更寫意！

Cull 』N Pistol

地址：西灣河鯉景灣蘇豪東A期太康街55號GA1-3號

喜歡這篇文章嗎？立刻分享出去讓更多人知道吧！