最新排位！陳展鵬胡定欣企正中間打風拍拖！馬明心穎急住返歸

娛樂 07-25

今日快報

最新排位！陳展鵬胡定欣企正中間

逾160多名藝人出席無線節目《群星拱照big big channel》，節目開始時先來個大曬冷合照，眾所周知，排位乃演員們人氣指標，企得愈前就代表愈受重視，一眾演員分別站滿七排位置。

應屆視帝後陳展鵬及胡定欣站於首排最正中位置，盡顯身份地位，定欣旁則分別是黎耀祥、田蕊妮、陳豪等份量級演員；

而展鵬身旁就分別是唐詩詠、王浩信、朱千雪等。至於第二行排位方面，正中位置為林夏薇、曹永廉、王君馨、陳山聰、楊明等上位藝人。

激罕！林頴彤曬事業線　網友Cap圖回味

無線藝人林頴彤（Bella）去年憑《城寨英雄》慘爆的「鑫鑫」一角升呢，但其實Bella不止演喊戲出色，演搞笑角色一樣放得開，平日Bella主持綜藝節目已盡展開朗個性，最近她參與Gag騷節目《最緊要好玩》更是豁出去搞笑，前晚一集她演「低胸見工女」色誘老闆蔡康年，Bella拉低上衣罕露事業線，加上拋媚眼又嘟嘴表情多多，在網上引起關注並瘋狂Cap圖，網友表示估不到Bella原來身材咁正！

Bella受訪時直言向來甚少性感演出，拍攝時難免有點尷尬：「個短劇重點系個女仔著低胸，老闆先請佢，所以都幾Focus呢樣嘢，開頭我幾繃緊，現場同事話我要多啲表情，扭兩扭再夾一夾，效果會出啲，心入面都幾驚架！（點睇網友贊你身材好？）多謝大家！我怕丑呀！咁我努力啲再Keep Fit啲啦！（會唔會繼續有性感演出？）視乎劇情需要，都會盡量做到角色要求。」

打風拍拖！馬明心穎急住返歸

「洛克」旋風式襲港，情侶搞乜好？早前黃心穎出席朋友結婚派對，被指背住緋聞男友馬國明夜蒲，兼被「溝女王」周志文力追，雖然心穎事後已澄清與周志文不熟，亦未曾約會過。不過，馬國明為保「男友」地位，在暴風前夕做柴可夫親自前往接載心穎BB到九龍灣拍拖！

約下午6時，馬國明駕車到心穎位於油塘的寓所，然後驅車齊齊前往九龍灣拍拖，當被撞破好事，兩人起初顯得一臉尷尬，之後友善向記者微笑打招呼。泊好車，兩人似乎怕被人認出，各自分別戴上帽及口罩，當行至人多的地方時亦保持距離，未知馬國明是否怕與BB有身體接觸，雙手全程插袋，一時又雙手放在身後。

邊行邊傾的二人雖然冇拖手仔，但搭扶手電筒梯時，兩人的手臂終於有黐埋一刻，亦有情深地互望，之後到餐廳醫肚。除低口罩的心穎BB與馬明面對面坐邊食邊傾，期間更不時望住男方甜笑，撐完枱腳，雙雙步往附近戲院睇戲。

至晚上10時戲院散場，戴住口罩的心穎BB與馬國明率先步出，未知男方是否怕稍後會掛更高的風球，急急去停車場取車送BB返香閨。

謝安琪曬囡囡表情包　狂贊Karina學嘢快

歌手謝安琪（

Kay

）今年三月誕下細女張靖（

Karina

）後一直專心湊女，她與老公張繼聰早前為囡囡於主題樂園豪擺百日宴，而今日

Kay

亦在社交網站寫道囡囡已四個月大，更上載了囡囡的四格表情包，只見

Karina

表情多多，一時伸脷，一時皺眉，又睩大對眼及咪咪嘴笑，非常精靈可愛，除了與哥哥張瞻成個餅印之外，似乎亦遺傳了父母的演藝基因！

Kay接受訪問，幾個月來忙於湊女的她表示不覺得悶：「因為對住小朋友日日有好多新鮮嘢學，同埋咁得意，對住佢幾耐都唔會悶。」

又大讚囡囡學嘢學得快：「佢依家已經識翻身，將佢反轉咗佢識反番過嚟，我記得人哋話呢啲最快都要

個月大先識，但佢早一、兩個星期已經識，算學嘢好快，同埋佢成日同哥哥傾偈、玩，我幫佢哋拍咗好多片，好溫馨好開心！」

而Kay謂現時仍然好深閨，每日在家湊BB，雖然有時好攰，但非常有滿足感，暫時不會接任何工作，又指大仔張瞻現時亦放暑假，有很多暑期活動，前幾日她就陪了張瞻去游水，她笑說：「我著咗件通花嘅衫，因為怕丑，身形未修番，但曬到我依家背脊都有通花，我依家都系件藝術品嚟！」

王浩信送「鑽石」向老婆補鑊

藝人王浩信（Vincent）在將軍澳電視廣播城出席無線節目《群星拱照big big channel》直播。最近Vincent老婆陳自瑤在社交網站甫出一張與囡囡王靖喬的合照，但Vincent未有及時畀Like，惹來一班網友揣測兩人婚姻關係是否陷入危機。

對此，Vincent即笑笑口謂：「好大鑊呀！未畀Like都成為罪行！」他表示雖然近日毋須拍劇但依然忙爆，所以未有留意到社交網站的動向，事後已經補Like：「希望佢哋原諒我冇睇到！（老婆有嬲？）咁又冇，呢啲都系玩嘅App啫。（大家小題大做？）多謝大家關心先，都系一個提醒嚟，唔會覺得小題大做。」

提到網友不時揣測他婚變，他表示與老婆關係OK：「其實本身都少甫相，亦都少啲同囡囡影相，因為佢都大個，作為爸爸都唔想佢畀人睇蝕，可能媽媽心態唔同啲。」問之後會否更「識做」，他即笑指之後每當老婆在big big channel直播都會送心送朱古力：「送啲鑽石，嗰度啲鑽石平！（幾時送粒真嘅？）真嘢就努力中。」

問他幾耐沒有見過老婆，他坦言有個多星期：「其實我都系剛剛落機趕嚟，冇返屋企，之前去咗馬來西亞做嘢，都有Message過佢，佢都話件事得啖笑。」又指老婆都正為《再創世紀》開工，要到深圳拍攝，所以未能時刻相見。