秘密結婚？薛凱琪否認：結咗會Check到宋仲基宋慧喬10月31日完婚

娛樂 07-07

今日快報

秘密結婚？薛凱琪否認：結咗會Check到

今年娛樂圈都有唔少歌手結婚，好似天王郭富城同啱啱擺完酒嘅陳柏宇咁，啱啱有傳現年35歲嘅薛凱琪（Fiona）竟然都結咗婚，仲系同一位富二代，就此事向Fiona求證，佢一聽實時嚇一跳然後得啖笑，立即澄清冇結婚之餘，連婚都冇訂。

Fiona表示：「哈哈哈，我冇結婚呀，亦都冇訂婚，謝謝大家一直以來對我婚姻和感情狀況的著緊和焦急。其實一個人有冇結婚真系check到的，這個晚上謝謝大家給了我和我的家人這一個surprise。」

拒去內地飯局得罪人　袁嘉敏搵保鏢護送

藝人袁嘉敏（Candy）接受網台節目主持Dick Wong訪問，表示現時有很多追求者，但還在選擇中，而心目中的男神則是黃子華。她亦表示自己身材是天生，《鴨王》上映後有很多整容公司找她，但她都一一推掉，講到當時兩點盡露，她覺得這是上天賜給的，在最美好的時候應該讓大家欣賞。

她亦大呻在內地出席活動時有很多飯局，接受記者電話訪問時，她解釋很多時邀請方會叫她去食飯：「可能系洗塵，但搭完幾個鍾飛機後再搭兩個鍾車先到食飯嗰度，食完先返酒店梳洗半個鐘，之後就要上台，我覺得好攰，所以唔會去嗰啲飯局，有陌生人，又唔知會唔會喺嘢食落古怪嘢。（唔去怕唔怕人哋嬲？）有次嗰邊話唔食下次唔好合作，但我唔驚，因為之前都冇講過要咁，試過有次我驚佢哋第二日都會再叫我食飯，所以我提早叫保鏢車我去機場走先。」

講到在節目中透露在內地工作時會與助手調房，亦會反鎖房門，Candy在電話解釋因為害怕酒店員工偷東西：「試過有次喺內地拍劇，返到酒店見到啲員工喺到摷行李，佢哋系想睇嚇我哋用咩化妝品，有次我試過住大套房，見到有個員工嘟卡入房，就算我貼咗『不準內進』喺門口，佢哋都唔理，所以我通常住細房，豪華房留畀男助手住。（有冇試過畀人偷嘢？）冇，我唔會帶咁多現金上去。」

另外，她將於書展推出散文寫真集，會寫多年來做幕後及幕前的經歷，但她強調不是血淚史，亦不是爆料書，裡面都會有內衣、泳衣等性感造型，亦有全裸遮三點，但會著重藝術感。

醉街歌手好得戚！梁漢文：我好清醒

藝人蘇永康昨晚為囝囝展弘（Jazz）舉行百日宴，廣邀圈中好友出席，當然唔少得老友張衛健、許志安、任賢齊及梁漢文夫婦等。

梁漢文接受訪問，談及送上甚麼賀禮給BB？他說：「蘇永康晨早講咗話唔好送嘢，因為太多人贊助佢或者送禮物畀佢，叫我哋唔好再送，全屋都系嘢，我哋梗系好『老派』咁送利是畀佢囉。」百日宴上，眾星好多個都飲到面紅紅，相信曾狂飲盡興，問曾被傳媒拍得醉酒失儀的梁漢文可有「飲大咗」？他得戚地說：「冇喎！相信啲傳媒見到我都好失望，見我咁清醒，冇料到，唔好意思，呢次幫唔到大家。」

欣宜唔浪費食物：所以我Keep住肥

歌手鄭欣宜出席「廚餘消減」活動，欣宜直認很珍惜食物，她說：「小時候婆婆成日話罪過、罪過，所以自細已培養唔好嘥嘢，食唔曬就打包。」並笑說：「所以我Keep住Fat。」欣宜強調與朋友外出食飯必定食完再點菜，她說：「唔鍾意大家咁浪費，雖然我最鍾意食甜品，但有時食太飽都唔會叫。」

創立曲奇品牌的欣宜透露今年將推出曲奇月餅，愛心爆棚的她說：「今年會整一批送畀老人家。（唔整太甜？）梗系，不過香港人唔系食得太甜。」

宋仲基宋慧喬真的結婚了　

10月31日完婚

據韓媒報道，宋仲基與宋慧喬的姊弟戀開花結果宣布結婚，並於十月底舉行婚禮！

自合作韓國神劇《太陽的後裔》後，31歲男星宋仲基與35歲女星宋慧喬多次傳出緋聞，上月中更被指前後腳蜜游峇里島，雖然雙方事務所否認緋聞兼劃清界線，強調兩人絕對沒有情侶關係。

不過事情發展突然嚟個大逆轉，宋仲基與宋慧喬所屬的Bloosm事務所及UAA事務所，今晨宣布「雙宋」的婚訊，他們首先感謝韓國及海外粉絲對兩人的關注和愛戴，並希望大家諒解他們宣布得這麼突然，宋仲基與宋慧喬將於今年10月的最後一天舉行婚禮，結婚除了是兩個人的事，也是兩個家庭之間的結合，因為多種理由而非常小心翼翼，在走到結婚階段之前都非常慎重，所以到現在才將消息告知大家，事務所又希望大家能為兩人的美好將來送上祝福。

而Bloosm事務所的理事金正龍與韓媒通話時表示宋仲基是一個月前向公司透露結婚一事，當時公司便開始計劃何時宣布，因宋仲基主演電影《軍艦島》將於7月26日在韓國上映，故認為在電影上映前宣布會比較適合。雖然「雙宋」透過事務所公布婚訊，不過理事另指二人仍未見雙方家長，表示由於結婚是很重要的事，二人似乎正在慎重地做好準備。