梁烈唯被車撞飛驚現「屍斑腳」考慮向蕭正楠求婚！翠如：女仔主動冇所謂

娛樂 08-26

今日快報

睇到都痛！梁烈唯被車撞飛驚現「屍斑腳」

日前梁烈唯拍攝邵氏網劇《飛虎極戰》時，不幸發生意外，試位嘅時候畀架車懷疑收掣不及撞到，好在入院照咗X光後，唯唯冇斷骨同裂骨，都算系不幸中之大幸。之後唯唯都有喺社交網上同大家報平安，同大家講已經出院返屋企休息。

唯唯昨日就在Instagram上載咗一張影住自己只腳嘅相，相入面唯唯只腳瘀得非常犀利，可以話成只黑曬，真系見到都知幾痛！但唯唯仍然好樂觀，仲講笑咁話：「想點？好似屍班（斑）咁？」唔少網民見到都祝佢早日康復，仲叫佢錫住自己！

再任珠寶代言人　林峯休閑Look拍廣告

歌手林峯連續多年擔任珠寶店代言人的林峯，日前一改西裝斯文Look以穿休閑便服拍攝新一輯廣告，雖然林峯近日在內地橫店拍攝劇集，但當日的他精神飽滿及狀態大勇，林峯說：「喺橫店同熟悉拍攝團隊合作分外親切。」

而他將於本周六（8月26日）出席珠寶店於廣州舉行的活動，相信萬千「峯迷」將整個活動場地迫爆。

考慮向蕭正楠求婚！翠如：女仔主動冇所謂

藝人黃翠如出席某品牌新車發布會，她在台上分享自己喜歡到北歐地區旅遊，覺得當地很有生活態度，又喜歡將車尾箱當作小貨倉，認為新型號車款內籠大有安全感。

日前患感冒的翠如表示服用抗生素及類固醇後已開聲，問到男友蕭正楠有否準備補品給她，她笑言：「佢仲叫我打邊爐，好耐冇打過，考慮到會失聲就冇去到。」問到會否擔心影響工作，她透露將會情侶檔到澳洲登台：「本身因為要唱歌都有啲擔心驚唱得唔好。（咪嘴咪得囉？）冇用，都冇錄到個Demo。（會唔會順便玩埋？）未必得，返到嚟要做嘢。（驚唔驚再畀人傳秘婚？）我諗住認真諗嚇同佢求婚，等大家唔好再傳，我覺得鍾意一個人就算女仔主動都冇所謂。」

Eason台灣宣傳現不適　急改航班返港求醫

歌神陳奕迅（Eason）身在台北為10月推出的國語專輯《C』mon In~》宣傳，23日已在台北舉行完新歌試聽會，但昨日即傳來Eason突然身體不適要取消餘下的台灣通告，緊急改航班飛返香港求醫。記得2002年Eason在台灣做校園騷時，因失足而撞爆「蛋蛋」變成「單春」，估不到事隔多年到台灣宣傳又遇上不適。

Eason日前因驚受颱風影響，提前飛到台北舉行新碟發布會，落機時已經見他戴住口罩，向工作人員表示身體不適，在昨日試聽會上Eason也向傳媒表示身體有點不適，活動後他還要連做幾個宣傳活動，直至晚上十二時才回酒店休息，可謂舟車勞頓。

對Eason盛傳因急病取消台北之行餘下的宣傳工作，Eason的經理人甘菁菁表示：「唔系咩病，佢只系喉嚨發炎，其實Eason想繼續通告，但我唔想佢咁辛苦，因為佢台灣之行後仲有工作，當年佢開演唱會就因為喉嚨超級發炎，搞到入院，所以佢喉嚨開始唔舒服，就小心啲好，所以我就建議佢取消宣傳工作，今日可以喺酒店好好休息，之後就返港睇醫生。」

唔同女友「長跑」　陳山聰揚言隨時閃婚

踏入40歲的陳山聰今次在《同盟》一改奸角戲路，飾演「暖男」保護摰愛的母親與愛人，現實中山聰則視女友為家人，同時更是指引他方向的燈塔。近年愛上馬拉松的山聰，自言個性Crazy，不排除閃婚。

山聰與圈外女友Apple感情穩定，問私下相處是否一位暖男？他笑說：「一半半啦！大家工作太忙，見面時間真系唔多，要靠互相了解同體諒，有時我都有返去煮嚇飯，咁樣又算唔算暖男？」又指女友會提出意見讓他改進，在演戲上發現不少新方向，有如他事業上的燈塔：「大家感情似屋企人，最開心系每次我演出佢都有睇，佢少出街，乜劇都會睇，佢睇完會畀意見我，提議我可以點做，又會指出缺點，唔會畀我一味只聽到好嘅聲音，咁樣會令人被蒙蔽。」