佗B吳若希笑許廷鏗：我條腰同佢一樣粗 阿嬌攬完學友瞓唔著

今日快報

兩女擺搞笑甫　蔡少芬激氣：企好扮靚啦

藝人蔡少芬（Ada）趁住平安夜帶同一對囡囡，在九龍一商場行街，Ada一對囡囡穿上聖誕裝十分可愛，兩位囡囡又跑又跳你追我逐，埸面溫馨。大女楚兒更Ada的大褸中扮舞龍舞獅，相當活潑。Ada被問到聖誕節有何節目？她謂：「今年唔報佳音啦，不過會返教會。」記者請Ada同兩女影合照時，兩位囡囡大擺搞笑甫士，令到Ada激氣謂：「今日著裙，企好扮靚靚啦！」

眾星集郵歌神！阿嬌攬完學友瞓唔著

「歌神」張學友的紅館演唱會已經完成了15場，連日來圈中嘉賓輪住來捧場，日前就有49歲「凍齡美女」前港姐吳婉芳、大美人鍾楚紅、鍾欣潼（阿嬌）、方力申、鄭嘉穎，容祖兒、何超雲及妹妹何超蓮等。他們對學友的演出都讚不絕口，祖兒更是「睇過翻尋味」，攜同媽媽再做捧場客，阿嬌睇騷時熱情向歌神送抱，之後她在社交網留言：「開心到瞓唔著。」

北京霧霾兼嚴寒　楊千嬅患有哮喘難唞氣

歌手楊千嬅出席北京舉行的內地網站頒獎禮，並負責頒發「最佳人氣男明星獎」給內地小鮮肉楊洋。千嬅接受訪問時，表示雖然雙方首次見面，但由於楊洋曾與其丈夫丁子高合作，故早已間接認識，更笑謂：「大家知大家系邊個，只系一直冇見過面，但因為時間問題，所以都冇咩機會傾到偈，只系握咗手，我都有留意佢啲作品，知佢好受歡迎，希望下次有機會再傾啦！」

面對當地霧霾情況嚴重，氣溫亦低至零下三度，本身患有哮喘的千嬅亦感到透不過氣兼喉嚨痛，她謂：「本身自己又有敏感，所以咪咁啰！咁我不嬲都有帶定葯傍身嘅，同埋我都冇咩出去外面，所以ok嘅！後來個天都放晴，好幸運。」

而行程匆匆的她僅於當地逗留18小時，昨日便乘早機返港「交人」，與囝囝Torres及家人歡度聖誕。而與余文樂的新片亦於日前完成，故千嬅宣布正式「收爐」，當回妻子及媽媽角色，至明年農曆年後才再繼續為事業衝刺。

佗B吳若希笑許廷鏗：我條腰同佢一樣粗

歌手吳若希（Jinny）及許廷鏗（Alfred）出席平安夜活動，佗B四個多月的Jinny身穿紅黑裙及短靴，驟眼看不似懷孕，甫開始她快步走上台，司儀即叫她慢走。台上見她不時摸肚，席間她又笑言現時與Alfred同是32吋腰。講到聖誕，Jinny表示會食火雞慶祝及胎教，而Alfred則謂會與媽媽過，因為媽媽25日生日。期間兩人在台上各自唱歌，又一起玩湊BB公仔遊戲，兩人要幫B女餵奶、換片等，見Jinny頗為熟手，反而Alfred則雞手鴨腳，場面搞笑。

受訪時問到Alfred可是32吋腰？他笑言：「唔知呀，不過依家系瘦番啲。」而Jinny則謂自己有少少脹：「暫時系冇咗條腰，肥喺個身度。」她又表示佗B有嘔：「好似頭先搭船返嚟有嘔。」現時住澳門的她表示大時大節都會回港見家人朋友。提到Jinny之前去了東京旅行，她謂自己沒有食生冷食物：「朋友系咁食魚生同蟹，但我凈系食拉麵。（忍口好辛苦？）未去到忍，好彩自己唔系食好多肉。（好乖冇食唔食得嘅嘢？）So Far醫生話煮熟嘅嘢我都可以食。」而Alfred則謂身邊都有朋友正懷孕，對方有跟營養師進食，故他謂稍後可給予Jinny建議。

謙仔返港陪老婆過聖誕　楊怡冧爆曬溫馨

昨日系平安夜，唔少藝人都將家庭樂公開與大家分享，在佳節送上溫暖，充滿溫馨！藝人羅仲謙同楊怡呢對夫妻人前人後都咁恩愛，羨煞旁人。謙謙最近忙於拍劇，積極賺錢養家，而阿怡又要忙於演舞台劇，兩人聚少離多，所以之前謙謙透露聖誕會返港兩天同太太過節。昨日就見到阿怡上載合照，兩公婆著住情侶裝，頭上戴聖誕裝飾，面貼面咁影照，不知幾Sweet！老公終於返嚟一齊過聖誕，好Warm呀！

祝大家聖誕節快樂

?轉載授權微信：lama129

? 商務QQ：1900556960

?投稿郵箱：tghkchannel@163.com