吳若希佗B女後首現身！郭晉安挑機陳展鵬爭視帝？

細數歷年台慶　網民難忘「熱咖啡汪明荃」

一年一度嘅無線萬千星輝賀台慶完滿結束，但一班網民依然意猶未盡，繼續討論嘅「最不可思議畫面」，當中又以陳煒同高海寧最多人講，佢哋齊齊性感上陣大跳肚皮舞。

另一個網民覺得不可思議嘅位就系李施嬅踢腳彈琴，網民直頭話諗唔明點解要咁彈琴，亦有人贊佢彈得好，但多數網民都問佢唔怕走光咩？又笑佢露出肉色打底褲，仲有人覺得佢唔搏冇機會?啦！

其實歷年嘅台慶都成功製造出唔少話題，就好似兩年前嘅台慶夜，王祖藍就正式向李亞男求婚，仲話度嚟度去都系覺得呢日最齊人，當佢發表愛的宣言時，亞男直頭感動到喊，到依家一班網民都仲記得呢一幕，話王祖藍玩哂啦，喺全台藝人面前威哂，有網民直頭葡萄話：「點解新郎不是我？」

不過一班網民最掛住嘅依然系1994年嘅台慶夜，汪明荃性感大唱《熱咖啡》，有網民仲好抵死話：「雖然1994年我仲未出世，但翻睇番都覺得阿姐冇得輸，煒哥高Ling都要行埋一邊！」除咗阿姐之外，一班網民仲好記得1991年嘅台慶，周星馳同老拍檔吳孟達表演「隔山打牛」，星爺仲徒手劈爛達哥手上嘅木板，雖然搞笑成份居多，但依然令人印象深刻。

萬千星輝賀台慶真系出現過唔少令人難忘嘅畫面，你又最記得邊個呢？

佗B後首現身　吳若希長褸遮肚

歌手吳若希（Jinny）日前承認懷有3個月身孕，昨晚從外地度假返港的她，即被捕獲，是Jinny宣布有喜後最新照片！

素顏的Jinny刻意戴口罩及以藍色長褸遮肚，及穿上矮踭鞋，獨自推住行李車出閘，有兩名似保鏢的猛男立刻上前接機。記者上前恭喜她，難掩喜悅的Jinny哈哈大笑，隨即說：「遲啲一次過會同大家一次過講曬。」問到是否同公司請假一年生B及就合約快滿？Jinny說：「休息嚇先，合約仲有排。」

問到是否選擇在港生B？Jinny說：「其他嘢唔答，辛苦曬。」問到為何不見Alex？Jinny說：「冇呀，我自己去旅行探朋友。」隨即開心高呼：「好開心、好幸福，多謝關心。」未婚懷孕的她被問到會否生B前註冊結婚？Jinny說：「唔答喇。」

攝鏡抽陳凱琳水　吳業坤：每人都有失誤

前港姐陳凱琳（Grace）於昨晚台慶節目中失言，把「奮不顧身」說錯成「粉身碎骨」，隨即成為熱話，就連吳業坤於記者向Grace追訪時，也不忘抽水攝鏡，又睩大眼兼淫淫笑，事後更Cap圖於網上分享，並謂：「粉身碎骨地攝鏡。」

今日吳業坤接受訪問時謂：「每人都有失誤情況，我成日都有啦，尋晚我不停攝鏡，最尾見到人影又攝嚇，最緊要大家開心，我見後來鄭裕玲都有袋錢入佢袋啦。」

強勢小插入

明日34歲生日　阿Sa率先收笑哈哈蛋糕

11月22號就系歌手蔡卓妍（Sa）嘅34歲生日，雖然阿Sa今年仲未搵到男朋友仔一齊過，但佢一啲都唔寂寞?，事關除咗有好朋友陪之外，一班粉絲更加系錫曬佢，提早兩日為阿Sa送上生日蛋糕，個蛋糕仲要用唔同size嘅哈哈笑砌成，非常有心思。

難怪阿Sa開心到喺社交網站開心些牙，仲踢曬腳嘟曬嘴咁擺pose，仲留言話：「好可愛的生日蛋糕感謝香港後援會@Twins雙生兒同盟 祝福我愛和愛我的每一位?天天快樂 happy always」，網民亦紛紛留言祝阿Sa生日快樂，仲贊阿Sa雖然已經34歲，但依然keep到童顏。

【Kung變Kumg】龔嘉欣畀人冒充開微博

依家騙徒手法層出不窮，時不時有藝人喺社交網站話自己被冒認開假賬戶，估唔到今次龔嘉欣都成為目標，佢今日喺微博話有人用佢嘅相喺微博開咗個賬戶，仲成日發放惡意留言，雖然頭像同名都好似一樣咁，但細心睇只系將「龔嘉欣KatyKung」改做「龔嘉欣KatyKumg」，改咗一個英文字咁大把，唔怪之得龔嘉欣話今次佛都有火！佢實時喺微博澄清，佢留言：「這個壞蛋，請你不要再冒充我。到處發放惡意留言，請大家截圖，留下證據，幫忙舉報他 @龔嘉欣KatyKumg 我微博的賬號是有認證，加上中文本名還有英文名字是Katy Kung，不是Katy Kumg，這是真是佛也有火。」

事後佢接受訪問，因有網友鬧佢所以佢先知道有人冒認佢，佢話：「上網冇端端有人留言鬧我，話我做咩喺人哋個直播度鬧人，跟住我就一頭霧水，之後我就上網check發現呢個人冒充我去鬧人，我發現佢冒充我個名太似，只系爭一個英文字，所以啲人以為系我，咁我就覆返個啲人嘅留言，叫嗰啲人查清楚先好去鬧人，我話如果佢哋覺得有咩問題，可以去微博個到舉報。之後有Fans留言話我知呢個人唔系第一次系咁，不停咁轉唔同藝人嘅名，之後又扮佢哋update咁囉。」

野人嚟喇！郭晉安挑機陳展鵬爭視帝

每年台慶頒獎禮「視帝之爭」都全城矚目，陳展鵬在劇集《城寨英雄》中打到飛起，劇情緊湊好睇，收視口碑均獲好評，順理成章是視帝大熱，但中途殺出「渠頭」王浩信被指以續約換獎，但其實視帝之爭還有三屆視帝郭晉安！昨晚播出的台慶劇《致命復活》，安仔的深山野人Look正式在劇集內曝光，與萬綺雯重逢的劇情感動不少觀眾，安仔為演活長居深山十年的野人，刻意激減28磅，搏到盡的他絕對有機會截擊展鵬，第四度登上視帝寶座！

而今日朝早，安仔化身野人殺入街市，冧掂一班師奶粉絲，個個都爭住同佢合照，十分受歡迎！