岑麗香帶強強台灣度蜜月宣萱細狗慘被咬爆左耳

娛樂 01-10

新歌推薦

身外情

= 黎瑞恩=

今日快報

冇歌照撐場！周柏豪唔去頒獎會囉囉攣

歌手周柏豪接受訪問，提到他雖然去年沒有出歌，但仍有出席樂壇頒獎禮，他說：「我享受去頒獎禮，我年年都嚟，唔嚟會好似斷咗啲嘢咁，同埋見證到自己鍾意嘅歌手拎獎，我喺佢哋身上都攞到喜悅。」又指過去一年其實沒有離開過音樂，仍有為歌曲錄音，所以今年很快就有新歌《有生一天》推出。而柏豪將於四月舉行入行十周年演唱會，他表示現時已籌備當中：「我有時臨瞓覺之前都會諗有咩想同大家分享。」

爺爺落Order！龔嘉欣要30歲先准嫁人

藝人龔嘉欣於荃灣荃新天地出席活動，以「利是」裝曬腿出場的嘉欣，受訪時透露今年手上的工作比去年多一倍，她寄望能過肥年。她又預告新年派利是會加碼：「好意頭！有得派利是畀人都系福氣，仲想捐錢做善事，日前都捐咗錢畀流浪狗場。」問她工作大增，會否將收入孝敬家人？嘉欣打算首次封利是給家中長輩：「爺爺、嫲嫲年年都封好大封利是畀我，自己大個女喇，想盡番點心意，唔關銀碼多與少。」

提到長輩可有趁機催婚，27歲的嘉欣笑指爺爺叫自己30歲後才准嫁人：「以前有催，但依家叫我揀清楚，第日拍拖第一件事要畀佢哋過目。（長輩介紹男仔畀你？）冇，爺爺叫我一定要過30歲先結。（佢哋唔恨抱孫？）佢哋好後生，唔會心急！」嘉欣又言新年將於拍劇中度過，若有時間就想整蘿蔔糕請同事食。

啱啱度完蜜月　岑麗香帶強強台灣周圍食

藝員岑麗香與周國賢在銅鑼灣出席活動。現場演繹《一人有一個夢想》的岑麗香有點緊張，問到事前有否練歌？她說：「唱咗幾次，呢首歌歌詞都算容易，我媽咪好鍾意鄧麗君嘅歌，所以都學咗幾首鄧麗君嘅歌。（老公強強有冇畀意見？）佢都聽咗好多次，有叫我加油，其實佢都唔系好明廣東話歌詞，都唔知我有冇歪音、走音，哈哈。（平時有冇唱歌冧你？）佢識好多種樂器，喺教會夾band，佢彈多過唱。」

岑麗香又透露近日剛與強強去了台灣旅行來一個小honey moon，問到香香今次到台灣可有與強強游泳戲水？她笑說：「哈哈，今次冇，天氣凍，今次去台灣周圍食嘢。」香香指強強適應香港生活比她更快，暫時也沒有思鄉，新年願望希望他適應香港生活。

直擊剃光頭！陳展鵬買千元電剃刀自刮

藝人陳展鵬到中環一間髮型屋為無線新劇《天命》剃頭，他上一次剃頭是為了拍攝劇集《張保仔》，不過就自爆因不懂得保護頭皮而搞到又甩皮又發炎！他說：「上一次可能因為月份關係天氣好熱，剃完第二日已經甩皮，無幾耐就結焦，又紅又腫又發炎！」原來他上次在剃頭後，隔日就用剃刀再颳走頭髮，搞到頭皮不斷受刺激，要好幾個月先好番！

曾多次剃頭的陳展鵬直言十分擔心頭髮再生不出來，笑謂：「男人頭髮好重要架，上次剃完啲頭髮生番出嚟都一啲幼一啲粗，今次要好好保養！」今天將正式投入拍攝《天命》的他，謂每日都會好好保養光頭，要清洗乾淨之餘，更會戴帽做好保護，更花千元買質素較好的電剃刀自行補剃，笑謂不敢再用剃刀去補剃。

即將生日的展鵬，指去年生日在工作中度過未有與粉絲慶祝，今年就一定會慶祝。至於緋聞女友胡定欣可有相約吃飯？他說：「未收到電話喎，不過要請幾時都請得嘅！」

【慎入】王祖藍脷底筋生痱滋　睇見都痛

藝人王祖藍八足咁多爪，近年仲成立咗自己嘅創作公司做埋老闆，唔知系咪太忙太大壓力，祖藍最近身體出現咗啲問題喎，而且有問題嘅位置仲要好神秘！

呢日祖藍影埋相放上網，仲留言話：「千萬不要打開，好噁心，人生最痛苦的，莫過於當你想唱歌的時候，舌頭下的筋正中間長了潰瘍！？」原來佢脷底生咗痱滋呀！睇見張高清相都覺得好痛呀，同埋其實都真系好核突，唔怪得知佢話「千萬不要打開」啦，希望祖藍快啲好番啦，唔系嚇親老婆李亞男就唔好喇！

宣萱細狗慘被咬爆左耳：成牆都系血！

藝人宣萱出席「人狗同樂百萬行2017」閉幕禮，帶同三隻愛犬現身的她，透露其中兩隻為領養，她謂：「細狗Boom Boom新嚟嗰陣走去凶大狗Scooby，結果Boom Boom左耳被咬到裂開，當時仲啱啱搬新屋，啲血飛到牆都系，即刻叫工人姐姐用紙巾按住Boom Boom傷口，抹完牆就捉Scooby坐低，好似阿媽教女咁同佢講，自此之後就再冇發生呢啲事。」