劉德華靠止痛藥止痛醫生唔准出院努力造人！胡杏兒畀奶奶催生B

娛樂 01-20

每日歌曲

何雁詩《夢裡花》

今日快報

靠止痛藥止痛醫生唔准劉德華出院

劉德華入院13小時，除了眉心明顯多了一條傷痕、盆骨撕裂，據知脊骨亦有受傷，且傷口很痛，要服止痛藥，並要留院觀察，消息指他最少要休養三個月，等傷口自動癒合，再慢慢做物理治療。

醫生建議華仔可以打石膏，就毋須做手術，但華仔不想打石膏，想出院後改睇跌打，他較相信跌打，因以前拍戲受傷，他也是看跌打的。

昨天朱麗倩收到丈夫受傷消息後已急飛泰國照顧華仔，更隨醫療專機一同返抵香港，與家人在養和貼身照顧華仔，並且謝絕朋友探訪。而華仔受傷後亦很累很痛，不想受打擾休息。

【偉仔反應系…】劉嘉玲爆當年主動求婚

女星劉嘉玲日前現身內地節目《熟悉的味道》，大談與老公梁朝偉的日常生活，嘉玲自言是「無飯夫妻」，自己不會下廚煮飯，而偉仔則會偶而下廚煎煎牛排，夫妻倆最愛品味紅酒，成為生活習慣。講到二人交往多年為何會突然決定結婚，嘉玲自曝當年因為父親因心臟病突然離世，令她驚覺人生有太多不可預測，加上不想讓母親與自己留下遺憾而主動向偉仔求婚，而對方竟說：「哈？我們現在還來搞這種事？」

唔使隱瞞！何超蓮李蘊爆鄧紫棋秘密

歌手鄧紫棋（G.E.M.）在大角咀舉行其自傳電影首映禮，有份在戲中亮相的李蘊和何超蓮亦有到場支持好姊妹。有份在戲中亮相的她們，被問到有否在戲中大爆好友秘密，何超蓮指自己公開了好友的感情觀，而李蘊就謂揭露了G.E.M.鮮為人知的一面：「乜都講！有嘢隱瞞就好假！」問她們有否留手，超蓮即謂：「唔使留，想講乜就講乜！」又指電影有提及G.E.M.前男友林宥嘉，但以女方視點出發。

提到最近有指超蓮男友吳克羣，當年不喜歡超蓮閨蜜「說三道四」，超蓮謂：「今晚講番套戲啦！」問李蘊有否因報道而不快，她指自己忙湊女：「唔得閑唔開心！」又即場呼籲男士追單身的超蓮，非常搞笑。

努力造人！杏兒畀奶奶催生B

藝人胡杏兒以紅噹噹連身裙出席「桃源鳳舞?又一城」活動，杏兒還用毛筆字寫上「雞」字，祝福大家雞年行大運。杏兒表示今年將會留在香港過年，下星期預備辦年貨，她謂：「前排同奶奶學整蘿蔔糕。（成功？）其實可以整番腍少少，不過都OK。我嚟緊都要返內地工作，要到下星期先放假，之後過完年又要返去。」問到杏兒老公李乘德是圍村人，作為圍村新抱的她新年要否跟圍村習俗？她說：「咁又冇，不過奶奶話整茶果好快失傳，所以我會學識傳畀下一代。」

問到杏兒有否給奶奶催生BB？她即「賣口乖」謂：「佢唔叫我都儘力呀，我會努力！（陪多啲老公？）會呀！依家都有調理身體，希望下年有人幫我逗利是，收番啲利是錢。」講到好姊妹姚子羚有機會最快嫁出，她笑言：「近排做嘢都少見面，佢哋個個都系筍盤，梗系想佢哋快啲嫁。（到時做姊妹？）梗系，幾忙都一定會畀到期出嚟！」

印佣盜張栢芝56萬財物　判監年半

藝人張栢芝位於中環半山的世紀大廈住所去年發生爆竊案，其30歲印尼籍女傭Rospeni涉盜去28件屬於栢芝的財物，總值逾56萬港元，印佣被控一項盜竊罪，前日在區院承認控罪，法官指案情嚴重，印佣被判監18個月。

該印佣於去年6月28日最後一天為栢芝工作，栢芝男助手檢查印佣的行李時，發現內有栢芝的手袋、鞋和珠寶等財物，印佣在被捕警誡下，承認去年二月至三月間犯案，辯方求情指印佣家貧，其兄長在印尼遇上交通意外，因而借下四萬港元，但被告月入僅四千港元，有財政壓力。辯方又指栢芝經常不在家，失物亦「周圍放」，對該印佣是種誘惑，終以身試法。而栢芝被盜的28件物件已全部起回，她最終並無損失。

「栢芝媽」戴莎妮接受電話訪問時，指該印佣外形「老老實實」，認為人不可以貌相：「點講都好，偷嘢都系唔啱，仲合作咗咁耐，唉！真系唔識形容。（栢芝性格豪爽，將啲嘢周圍放？）唔會啦！見佢湊兩個小朋友湊得咁好就知，佢啲嘢收拾得好好?！咁屋企嘢梗系放喺屋企啦！點會系問題。」

成日畀子華恰　阿佘：佢太乞人憎

藝人佘詩曼出席「hmv中環概念店隆重開幕」活動並擔任剪綵嘉賓，談到她將參與與黃子華編劇的新片，戲中飾演政府官員的她甚有威嚴，不過她就笑指會在戲中「恰」對方。

談到子華表示若有錫錫戲份要徵求她同意，她說：「有咩？有開會傾嘅，問我底線，有咩動作唔做得，我話唔好扯頸囉，之前傷過！」至於戲中可有親吻鏡頭？她說：「唔知佢寫成點，有成四稿，五稿，唔知到時會唔會攝個第十一稿落去，不過唔會好嚴重嘅，系喜劇！」她又謂以前與對方合作時經常被子華整蠱，她就還手，她說：「因為我唔夠佢講，我就用牙籤筒拍佢個頭，太乞人憎啦！我都唔記得呢件事，佢提番我先知，估唔到佢咁小氣！」

本期話題

好期待黃子華同佘詩曼嘅新戲，你哋同我想嘅一樣咩？