【系真唔系？】陳凱琳未摸過鄭嘉穎腹肌楊怡向陳敏之取經生男丁

娛樂 02-07

每日歌曲

菊梓喬《一輩子守候》

今日快報

【系真唔系？】陳凱琳未摸過鄭嘉穎腹肌

藝人陳凱琳（Grace）及蕭正楠（Edwin）於寶琳出席新年活動。問到新年安排，Edwin表示年初一已到女友黃翠如家拜年，又笑言心思思於今年結婚：「上去食糕玩狗。（被人催婚？）冇喎！（你之前話想2017年結婚？）我想之嘛， 2017一定得！不過開《深宮計》都要開半年。（開完工結婚剛剛好？）都要籌備嘛。」問到Edwin會否考慮情人節求婚？他稱可以考慮：「好提議！試嚇諗嚇！（你好浪漫？）問翠如，我覺得自己好浪漫。（準備禮物未？）梗系有，重要日子，想死咩？大家夾時間，一餐飯都撞到嘅！」

至於Grace就言因男友鄭嘉穎新年不在港，故雙方家人早於年三十晚就食飯過節，其後她亦會再拜訪嘉穎母親及拜年。談到嘉穎日前表示要為舞台劇操肌，Grace笑言唔敢整甜品引誘男友：「佢冇預我一齊操肌，我唔整甜品引誘佢。（準備情人節禮物？）親自下廚煮中餐，之前整過煎釀三寶，但睇嚟要索曬油先畀佢食。」身旁Edwin就指嘉穎本身已經好大隻：「佢本身都六舊腹肌，今次想增大肌肉，想好似鬼佬咁大隻。」問到Grace會否鍾情爆肌男？她笑言未摸過男友的腹肌：「佢今次系角色需要，但我冇摸過呀，等佢操曬先慢慢摸！」

許廷鏗傳離巢開公司　鄭俊弘誓圓紅館夢

憑無線歌唱節目《超級巨聲》出身獲力捧的星夢一哥許廷鏗（Alfred），近年屢傳約滿後離巢，去年底更傳他過檔華納，不過Alfred例牌否認。據知，Alfred與無線經理人約及星夢唱片約，均於本年中同時屆滿，他決定另起爐灶，孖好友鄭欣宜自組公司捧自己。

身為星夢CEO的何哲圖（Herman）早已「聞到味」，去年中已開出紅館騷為條件利誘Alfred續約，可惜未能挽留對方離巢之心。據知，Herman現時相當頭痛，並做定兩手準備，如Alfred堅決離開，會將檔期留給鄭俊弘圓夢開處男紅館騷，但都要視乎其歌曲受歡迎程度，如未能達標，則將改開「星夢群星騷」。

記者致電Alfred求證，身在外地旅遊的Alfred受訪說：「都回應過好多次喇，多謝大家關心我嘅去向，總之我呢刻仲同星夢履行合約中，我只系知公司一路都傾緊想幫我開騷，詳情仲傾緊。（已申請到7月紅館檔期？）真系唔知。」問到是否與欣宜開公司？抵死的他避談兼為對方的曲奇餅店宣傳說：「講緊曲奇餅？我凈系知道女神曲奇餅好賺錢咋。」而Herman被問到Alfred傳離巢，他說：「呢啲唔講住，等佢返嚟傾演出細節。（傾紅館騷？）日期、時間同地點未定。」

《老表3》就煞科！蔡少芬忙到狂生痱滋

藝人蔡少芬（Ada）早排一直忙於拍攝無線新劇《老表，畢業喇！》，不過套劇話咁快就煞科喇，呢日Ada喺社交網站上載了與同劇演員吃飯盒的合照，雖然照片中唔見拍檔郭晉安（安仔），不過就見到有林欣彤、劉江、黃建東等人，大家仲笑得好開心，Ada話：「好有意思的一餐，最後一天的 #老表3# 電視劇！我要好好享受！感恩和大家的合作！」似乎Ada都拍得好開心，仲話好期待再同佢哋合作，唔少網友都留言話好期待呢個劇，好想快啲睇到佢同安仔嘅作品呀！

雖然忙完拍劇，不過Ada都仲未有得休息，已經要飛去外地錄節目，唔知系咪休息唔夠，佢就生咗痱滋，仲甫咗撳住個嘴嘅相，就話：「咀（嘴）里（里）三粒飛（痱）滋，痛！我沒有所謂，可明天還要錄節目啊！」網民都留言叫佢要抽時間休息，唔好咁搏先至會快啲好，聽唔聽到呀，Ada？

甩拖兩人組！方力申袁偉豪苦過Dee Dee

藝人袁偉豪及方力申去年雙雙甩拖，日前他們應邀與謝天華及黃長興等友人出席生日飯局，席上更有不少圈外朋友雙雙對對現身，難怪兩男觸景傷情，離開時全程苦口苦面毫無笑容。

當晚大約九時許，袁偉豪及方力申等人陸續到達尖沙咀的食肆嘆越南菜晚膳，一行人逗留至晚上十一時許才離開，先行步出的謝天華見記者在場，即笑笑口打招呼。及後與鄧麗欣分手接近一年，感情仍未有著落的方力申亦步出，見他無里心機兼木無表情，甫見記者拍照他只淡然說：「同朋友食生日飯啫。」至於隨後步出的袁偉豪亦不惶多讓，自與前港姐岑杏賢甩拖後似乎情傷未愈，見他毫無笑容，苦瓜幹上身的他直至男友人抱著BB向他道別時才稍露笑容。

《鋒味》不再？！霆鋒晒傷手被禁入廚房