憑《天若有情》一曲成名，27年冇拍過拖，如今恨穿婚紗自己買！

香港經典電影有好多，陳木勝的《天若有情》絕對系之一，富家女遇上古惑仔，早已註定是苦戀結局。

當中有唔少場面同歌曲，到今時今日仲有人講緊，好似套戲嘅主題曲，由袁鳳瑛（Shirley）主唱嘅《天若有情》，絕對系經典之一，特別系音樂一奏起，便聯想到電影結尾華Dee拎刀捅死黃光亮的悲壯一幕。

袁鳳瑛表示：「出去登台嘅時候，呢個差唔多系必唱啦，當只歌紅嘅時候其實我未系真正入行，只歌紅緊嘅時候直至佢紅完，其實我都系一個OL，所以你話有咩感覺，其實真系冇咩感覺。」

袁鳳瑛於破碎家庭成長，不愉快的童年對佢有好大影響：「父母在我讀初中離婚，直至我17、8歲，佢哋各自組織家庭，之後日子就系自己照顧自己，所以好多時候喺摸索當中，自己經歷過危險階段。希望破碎家庭中嘅小朋友，千祈唔需要灰心，最緊要你肯去學嘢，搵得番啱自己條路。」

從小鐘意唱歌的袁鳳瑛，1986年參加過第五屆新秀歌唱比賽，同黎明、許志安、關淑怡及黃翊同屆，不過袁鳳瑛無緣晉身決賽。1988年，佢「轉檯」參加亞視舉辦嘅《未來偶像爭霸戰》，雖然都系落選，但就捧咗個「最佳形格獎」。

到1990年，羅大佑同滾石唱片公司合作，在香港成立音樂工廠，袁鳳瑛成為羅大佑旗下歌手，備受力捧更憑《天若有情》一曲走紅。

當年好多歌手都歌影視三棲咁發展，袁鳳瑛則專心一致做歌手，僅有客串過大熱劇《壹號皇庭III》，飾演強姦案受害人。

1991至1994年間，先後推出3張專輯，分別系《若是你能聽見》、《戲迷倩人》同《不知不覺間》。

可惜一直紅歌唔紅人，只推出過這三張唱片，就悄悄離開樂壇：「我覺得幕前工作系人生一部份經歷，我經歷過之後，「咦，究竟啱唔啱自己呢？」當年嘅文化，我覺得自己唔系太適合呢行。」

離開娛樂圈之後，袁鳳瑛決定走去讀心理輔導：「因為童年破碎家庭，令我對人性好有興趣，讀完之後幫咗自己。當時最大打擊除咗細個屋企問題，自己開第一間音樂中心時唔夠經驗，同拍檔意見不合，後果系我意想不到，深刻明白到作為藝人背後帶嚟嘅恐懼。」

當年袁鳳瑛覺得困在死局，曾經諗過做傻事，佢今日回想當初，佢最想多謝佢親哥哥：「當時真系諗過結束自己生命，因為冇家庭支持，個人好沮喪，99年到02年都唔開心，03年開始讀書，對人性了解開始放下，依家自己做咗人老師，懂得教學生面對咁大困難，自己點樣企番直，唔好咁輕易諗負面方向，在困難時只要有一個人，肯行埋嚟你身邊畀支持你，其實你都有好大力量，所以大家唔好放棄。」

唔講唔知，原來自91年Shirley入行開始到今日，Shirley一直都無拍過拖，足足26年無拍過拖。

袁鳳瑛坦言自己都恨做吳倩蓮嘅?色：「我覺得最經典系最尾吳倩蓮喺天橋跪低，好傷心呢一幕，其實自己好希望系happy ending，華Dee返嚟扶起吳倩蓮，好想有呢個夢想中嘅ending。」

現年51歲嘅袁鳳瑛，未有結婚，至今仍然孤單一人。其實喺佢嘅生命中，有冇出現過「華Dee」呢？

袁鳳瑛表示：「雖然我做歌手日子唔長，但嗰幾年，幾靚仔又見過，幾有才華又見過，自己比較要求高，反而我系一個追求人生意義嘅人，愛情遇到有就有，如果冇唔好強求。依家對住咁多學生，可以將我嘅愛發放出去，唔一定要有愛情生活。」

問到恨唔恨著婚紗？佢坦白話：「當然恨啦，所以自己買嚟著，好似今日咁，幾滿足，又有華Dee。」餘生一個人度過，怕唔怕孤獨終老？佢豁達話：「我唔怕喎，我唔怕寂寞，enjoy一個人空間，當你要熱鬧，有學生知己，都好開心。」

依家嘅袁鳳瑛，面上經常掛著笑容，笑看人生：「所以依家積極啲，開心樂觀啲去面對，最緊要系我開始摸索到，喺娛樂圈點同人相處，遊戲方式系點。」

袁鳳瑛將於5月復出舞台，為《天若有情》的填詞人李健達演唱會做嘉賓，最近更為奇妙電視拍攝心理分析節目，感興趣的朋友可以多多關注哦。

喜歡這篇文章嗎？立刻分享出去讓更多人知道吧！