周柏豪開到口恨生B！同老婆有曬計劃 子華送金幣畀蘇永康囝囝傍身

今日快報

仔仔滿月去街街楊愛瑾曬全身照勁Fit

尋日系藝人楊愛瑾（Miki）與永安太子爺郭永淳嘅結婚一周年紀念兼仔仔滿月，Miki就喺ig上載一張與老公的結婚相示愛。話曬已經系一家三口，結婚周年又點可以冇仔仔份呢？所以Miki再上載一張全家福，呢張相都系Miki產後嘅全身相，網友都大讚佢冇乜點肥，穿上露膊裝嘅Miki同老公一齊情深咁望住熟睡嘅仔仔，喺草地上留影真系好溫馨。

卓林仍留院吳綺莉貼貓相嗌難過

藝人吳綺莉早前涉刑事恐嚇17歲女兒吳卓林，上月卓林自泰國返港後，傳自殘入院，至今仍然未出院，而吳綺莉定時到探望，母女關係有待好轉。

不過女兒未出院返家，家中的貓貓因接近一個月冇見小主人而鬱郁不歡，近日吳綺莉就在社交網甫文，指家中的愛貓一直坐喺囡囡房門前，似等主人返家﹕「看著您一天一天的瘦坐著等，媽媽的心和您一樣難過。」社交網上，亦見吳綺莉貼了一張自己18歲時的照片，留言﹕「看回自己十八歲的照片，這個月我真的受痛了，看回這兩天的自己，真的接受不了，她真的傷害到我，對著她原來我一點也不強，學習。」吳綺莉接受媒體訪問，她坦言貓貓之前和女兒感情要好：「囡囡未返家，所以只貓唔開心，唔食嘢，瘦曬！」

周柏豪開到口恨生B同老婆有曬計劃

歌手周柏豪於紅館舉行的《One Step Closer Pakho Live 2017》演唱會圓滿結束，騷後受訪時他直言不夠喉：「Feel到自己仲有貨，目標可以開多幾場。但唔緊要，未來仲有好多日子，再裝備好啲，再攞多啲嘢表演。（開Part 2？）未有咁嘅打算，睇下有冇期先，巡迴就有，下個月開始，所以頭先都靜靜雞食咗件炸雞，即刻喉嚨痛。」

他表示沒吃煎炸食物三個月，笑言之前肥，所以要戒口令線條更好看，每天都吃白烚雞肉、白烚菜和少許白飯：「頭先後台咬住炸雞都流住眼淚，但開心嘅。」

提到嘉賓蔡卓妍笑言叫他去死，柏豪笑說：「大吉利是咩！其實佢好正，應承咗我先度期，每個嘉賓都系即刻應承。黃翠如都系，佢拍緊劇一定好攰，都二話不說話好，好感謝每一位。」至於老婆有否心痛？柏豪說：「唔單止佢，佢就梗繫心痛啦，我媽都好心痛，佢哋最緊要見到我開心啫。」他認為開騷最重要安全、做到自己想做的事，以及觀眾開心，而今次都有達到。

至於老婆有否被他感動到喊？柏豪坦言不知道，他透露太太第一晚有入後台拿白烚雞肉給他，之後兩晚就在外面照顧朋友，不過他否認太太的位置隱蔽，只是一直喜歡低調和簡單，柏豪自言估不到自己能跳舞而大家又受落,他指時間很緊拙，撐都要撐過去，後來已習慣痛楚。

提到前緋聞女友何超蓮及連詩雅到場欣賞，他覺得緋聞就是緋聞，沒有擔心。問到是否想做舞王？他笑說：「咩都冇個冇，冇王管個冇，希望喺舞台多元化啲。」他稱以前比較多企定定、樂器或搖滾，這次十周年就要做些事令自己記得這個騷，自己未跳過舞就想試，再融入功夫及後空翻等動作：「我自己都好鍾意，一直好想趁自己仲可以做到後空翻嘅年紀，做一個自己鍾意嘅騷，今次我覺得做到。」

說到大肚婆觀眾，柏豪坦言恨生B：「成日同人哋啲BB玩，個心都溶曬。有時開完騷，屋企啲BB send message話柏豪哥哥加油，我成個心溶哂。不過我覺得仲系衝刺緊，要睇時間，但我同太太都好鍾意小朋友，未來系有計劃，但依家未有時間。」他希望盡量享受二人世界，多點去旅行見識世界：「Honeymoon都未做。（帶佢巡迴當系？）都有得諗喎！內地都有芭堤雅！」他透露想今年度蜜月，但應該與家人一起，感覺比較開心。

咁重手呀！子華送金幣畀蘇永康囝囝傍身

歌手蘇永康（William）昨日在社交網，大曬BB與好友黃子華的溫馨片段，從片中看到作為契爺的子華情深與BB對望，就像自己親生仔一樣。愛心爆棚的子華說：「見到啲BB要好忍住啜埋去。」子華又不停嘟嘴想親吻BB，看到一個月大的BB非常得意，子華更想伸手摸BB面珠，場面搞笑！

此外子華還送了一套嬰兒服裝和一枚金幣給BB傍身。蘇永康在標題表示子華出手重，笑稱連自己從未見過該枚金幣，他們表示BB是個幸運的小孩，又希望BB長大後有好的人緣。估計二人在拍攝劇集《棟篤狀王》而熟絡。

狄波拉中環嘆茶叫宋祖德屎咪亂試

宋祖德日前大爆謝霆鋒與王菲已分手，更揚言如有虛假會食狗屎，其後霆鋒上載其餅店的宣傳相片反擊，力證與王菲感情穩定。而謝霆鋒母親狄波拉（拉姑），下午約五時，與好友陳淑芬於中環嘆茶，離開時被問霆鋒與王菲分手一事，她只說：「唔好亂問啦。」

提及宋祖德指如有虛假會食屎，拉姑聞言即哈哈大笑說：「唔好試啦，呢啲嘢，哈哈哈，不過我都未睇過。（系咪好想睇？）大家想點都好啦，今日假期，大家快樂啦。」

點擊播放 GIF/21K

喜歡這篇文章嗎？立刻分享出去讓更多人知道吧！