殘酷生日禮物，舊愛連詩雅拒認想複合祝福阿Sa石恆聰

「為何要我愛上你…一天不一起…都當作在倒數別離」……連詩雅聽日就29歲生日，今日收到一份殘忍慨「生日禮物」，就系舊愛被爆新戀情，百億闊少慨新歡……仲要系阿Sa(蔡卓妍)。連雅詩呢個生日，會唔會過得唔開心呢!?

連詩雅今年2月同「麻將館大王」太子爺石恆聰(Anthony)分手，估唔到太子爺Anthony過咗兩個月，感情即翻開新一頁，同34歲Twins成員阿Sa(蔡卓妍)拍拖，難怪阿Sa近排春風滿面，喺Ig大曬甜美，原來處於熱戀期，更被影到早前兩度上Anthony位於畢架山慨獨立屋過夜，阿Sa亦未有否認戀情，只系話o依家好開心!

至於，「另一女主角」連詩雅傍晚6點半左右，喺中環出席M8手機發布會，感覺幾輕鬆，似乎有備而來，被問前度Anthony同阿Sa拍拖，連詩雅就話：「今日都有見到報道，我哋都分開咗咁耐，渠同任何人一齊都唔系好關我事，關於渠慨事，我今日講完之後就唔會再回應，將來渠有啲乜嘢動向，我都會祝福渠慨。

被問同Anthony分咗手幾耐?連詩雅竟然話已經唔記得：「入咗行之後都好忙，啲嘢都冇記住!」講到有指渠死纏Anthony，連詩雅就話：「呢啲系虛構慨報道，得啖笑，唔系事實慨嘢，唔回應!」有冇打算複合，連詩雅講：「呢一刻自己好開心，公司啲同事仲話我系筍盤。 」Anthony同阿Sa拍拖會唔會祝福?連詩雅即話：「梗系祝福喇!大家都認識咗咁多年，將來佢做啲咩都會祝福。」問到覺得渠哋襯唔襯?連詩雅話：「靚仔靚女梗系襯!」連詩雅又話已經對Anthony慨嘢冇咩感覺，不過只要系認識慨朋友都會戥對方開心。講到同場慨馬天佑系阿Sa同Anthony慨「紅娘」見面覺唔覺得尷尬?連詩雅就反問：「點解呀!從來都冇覺得尷尬，我哋(同Anthony)分咗手咁耐，都冇乜特別感覺喇!我同馬天佑都有一班認識慨common friend。」咁o依家呢一刻仲愛唔愛Anthony?連詩雅猶疑咗幾秒再答：「點講呢?朋友啰!好少搵慨朋友，自己真系好忙，有時間都想見一下中學慨女仔朋友。」

有報道指佢唔定性先被Anthony飛?連詩雅再次話虛構慨嘢都系唔回應：「身邊慨朋友都知道我系咩人，覺得呢件事好搞笑啰!」講到渠聽日生日就大一歲，連詩雅話：「系呀!年紀越大就覺得唔同慨經歷多咗，睇慨嘢多咗，同埋知道有咩人系永遠喺身邊支持。」連詩雅就話希望生日有艷遇，自己想專註工作。

不過，連詩雅有啲前言不對後語，一時話分咗手後冇聯絡，之後又話少聯絡!

喜歡這篇文章嗎？立刻分享出去讓更多人知道吧！