陳小春發千字文呼籲保衛廣東話余文樂首度提名影帝：零的突破

娛樂 02-09

每日歌曲

蘇煒喬《好風景》

今日快報

天后勁貼地！祖兒孖師兄搭地鐵玩轉東京

天后容祖兒農曆年期間同男友劉浩龍去咗東京一轉，咁啱喺銀座遇到著名經理人黃柏高，真系開心喇！昨日凌晨，祖兒就上載咗好多喺日本拍嘅相片，當中見到佢半夜三更喺路中心留倩影，又喺地鐵車廂入面戴口罩玩自拍，留言：「搭地鐵好正」，睇嚟玩得好開心咁喎！其中一張仲影住碗櫻花蝦炒飯，留言：「要帶媽媽吃這個」。啲網民即刻偵探上身猜測容媽媽今次究竟有冇同行，點都好……網民都大讚佢孝順，真系乖女喇。

去得東京梗系會去鐵塔觀光啦，祖兒就喺鐵塔下自拍，仲有Flying Kiss（飛吻）呀！咪住，又會咁啱嘅，劉浩龍喺女友貼相幾個小時後，又喺自己個社交網上載咗一條短片，系從高空拍下東京鐵塔的日與夜變化，好靚呀，真繫心有靈犀喇，兩人似乎一齊同游東京喎。

余文樂首度提名影帝：零的突破

影星余文樂首度獲得《香港電影金像獎》影帝提名，將硬撼梁家輝、林家棟、任賢齊及吳鎮宇等勁敵。樂仔直言非常開心：「收到好多人祝福，今次系我首次提名，零的突破，好多身邊朋友、家人、同事、導演都戥我開心，『老爺』曾志偉仲第一個電話畀我，最開心系部戲大家付出好多，今次有咁好成績，多謝各位！」

劉愷威湊女上N班　楊冪搵錢養家吻蛇

大陸女星楊冪拍戲搏命是行內公認，不過搏到咁，實屬嚇人！趙又廷上載一張相留言：「此物很危險，模仿須謹慎。」相片中見到楊冪拍攝電視劇時親吻毒蛇，仲一啲都唔驚，真系好大膽！趙又廷再三提示叫大家唔好咁做，令大批網民替楊冪膽心，不過經記者再三查證，呢啲只系特技，條蛇只系玩具嚟，咬唔到人嘅！但系像真度極高。

至身喺香港嘅老公劉愷威就負責湊女，佢帶住小糯米上N班，頭戴灰色鴨舌帽顯得好低調，不過仍然有人認得出佢就系劉丹個仔，雖然冇媽咪陪伴，但小糯米同老師依然玩得好開心，而劉愷威就睇到入曬神，唔知有人影佢相呢！

鄭嘉穎氣場勁　嚇到吳業坤咩都凸出嚟！

無線劇集《迷》演員鄭嘉穎、田蕊妮、吳業坤、賴慰玲、簡淑兒、曾航生、泰臣、何綺雲等在將軍澳宣傳新劇。《迷》是鄭嘉穎離巢前為無線拍的最後一套劇集，角色亦有突破，飾演小男人角色，阿田笑說：「估唔到佢可以做小男人角色，你知佢平時啲氣場幾勁，企喺度三呎都冇人敢埋身除咗我，吳業坤見到佢咩都凸曬出嚟啦，佢系氣場好勁嘅人。」鄭嘉穎笑說：「我都唔知點解，我乜都冇做，凈系唔出聲，我唔出聲就系咁嘅樣冇表情，唔通四萬咁口，人哋以為我傻?。（現實中系大男人定小男人？）我都系做番鄭嘉穎，唔覺得系大男人。」

鄭嘉穎新年去了美國登台，出發前與女友陳凱琳兩家人一齊食飯，回港後當然有到女友家拜年。

過年食多咗　楊怡狂做運動曬白滑長腿

藝人楊怡（阿怡）早排就完成上海嘅舞台劇，之後仲可以同老公羅仲謙一齊過新年，真系好開心。新年當然就食唔少美食啦，不過作為女明星就要時刻保持狀態，所以昨日阿怡就喺社交網站同網友分享佢做運動嘅相，仲話：「新年食咁多，系時候要還#hype #dance #yoga。」相中就見到阿怡大曬身材同埋佢白滑嘅長腿，好多網友都留言大讚阿怡好fit，不知幾羨慕佢身形咁話，仲有網友覺得阿怡都仲系好瘦，叫佢可以再放任啲，食多啲嘢！

陳小春發千字文呼籲保衛廣東話