分手後爆料！小方呻同鄧麗欣旅行似偷食鄧萃雯回巢力求好劇本

娛樂 07-07

今日快報

低胸露香肩！劉心悠突升Cup：系性感底線

藝人劉心悠於中環出席手錶品牌活動，一向密實的她竟然大曬香肩兼露事業線，記者大讚她靚時，她就怕丑用手遮胸，她笑謂是第一次如此性感，又笑指今次的性感程度已達至自己的底線。而她因近日為無線劇集《宮心計2深宮計》拍攝煞科戲份，連日趕戲於前日（7月4日）拍攝完成。

忙於拍劇的劉心悠，謂要積極操fit自己，她說：「前日（7月4日）煞科，今朝趕到返香港，之前拍劇冇時間做運動，有時又食消夜，肥咗少少，系呢幾日趕戲，唔系好食得落嘢先瘦番啲。（上圍升Cup？）同我身形一齊上一齊落！」

陳柏宇度蜜月曬靚相閃到爆　網友狂催生B

現年33歲嘅歌手陳柏宇（Jason）同31歲模特兒女友符曉薇（Leanne）拍拖6年終於結婚！早幾日先啱啱擺完酒，應該過緊幸福美滿嘅新婚生活！

而呢日喺香港嘅凌晨時間，Jason就喺社交網站同大家講咗聲「早晨」仲貼咗幾張靚相，其中一張同老婆面貼面嘅相可以話系令人勁羨慕！

再睇番啲靚景相，一睇就知唔系香港嚟嘅，原來佢哋已經到咗夏威夷度緊蜜月喇！諗番Jason之前喺擺完酒嗰晚就話自己太醉太攰冇洞到房，今次嚟度蜜月應該冇呢啲借口喇！就連一班粉絲都話好閃，叫佢哋玩得開心啲同埋快啲生番個B，唔知Jason呢次又會唔會乖乖聽粉絲話開始佢哋嘅「造人大計」呢？！

芭蕾舞后遺症？蔡思貝行路Keep住挺胸收腹

港姐出身的無線小花蔡思貝，3歲時由母親安排下接觸芭蕾舞，於北京嚴師訓練下，年紀小小已經要穿上Pointe Shoes上堂。為免影響腳趾發育，思貝跳了一輪後暫休，一年後才正式到正統學校上堂，一切由基本功拉筋開始，回憶當年的上堂情況，思貝說：「都好辛苦，上堂前要換衫，著住對絲襪，又要著『蛤乸衣』，當時都唔知點解，只系覺得好靚，慢慢先愈來愈鍾意，其實班入面我資質唔高，只系發嚇夢咁，影相都系傻傻嚇，但每當表演就會好享受，行出嚟有射燈射住嘅感覺。」

沒想過這興趣一學便是十多年，至13歲出國紐西蘭讀中學才停止，她說：「本來都想繼續，但嗰邊最近嘅跳舞學校要揸半個鐘車先到，當時冇錢又冇人車，冇途徑去惟有停，但我一路都有Keep住拉筋同練尖腳。」更指喜歡芭蕾舞的感覺，故早已習慣挺胸收腹的企姿及八字腳行路，笑言若他日有機會，也想再次感受跳舞的回憶。

麵包當頭飾！連詩雅鄭融合影演唱會海報

歌手連詩雅（Shiga）與鄭融（Stephanie）將於9月中在旺角麥花臣場館舉行演唱會，日前兩人拍攝個唱海報，為求特破及新鮮感，攝影師與造型師合力將「麵包」放到兩人頭上作頭飾，Shiga笑言初初有點愕然，她說：「睇完效果後覺得好時尚同特別，呢個頭飾特別得嚟又得意。」搞笑的兩女拍攝時不停大讚麵包好香，引得全場捧腹大笑。

而帶病上陣的Stephanie則不怕發燒以赤膊示人，由於她與Shiga面貼面影合照，Stephanie說：「第一次同Shiga有咁親密接觸，當我哋面貼面同碰到佢嘅肩膊時，發覺原來佢系咁瘦同咁有骨感，令我諗起椅柄。」

由於兩女首次一齊開騷，Stephanie相信屆時必與Shiga擦出火花，而Shiga則說：「識咗Stephanie好多年，佢系我初入行時嘅朋友之一，大家會講心事，最近一齊做宣傳再發現佢嘅性格原來好可愛。」

為求好劇本！鄧萃雯回巢無線撐陳寶華

藝人鄧萃雯（雯女）與著名編劇陳寶華接受內地傳媒訪問，二人拿著鮮花玩角色扮演，雯女難得展示調皮一面，而陳寶華亦十分玩得，二人可謂火花無限。

雯女大讚陳寶華的劇本吸引，從不「飛紙仔」，好多演員「一聽到故事已經恨不得衝去片場」，而陳寶華則稱讚雯女拿捏角色有一手：「佢從來冇睇錯過我嘅劇本，冇演錯過我一場戲。當中節點、情感，佢都理解得好好。」

談到最難忘的一次合作，雯女透露是無線劇《Loving You我愛你》，坦言是她主動要求陳寶華寫個發姣的角色給自己；陳寶華則大爆雯女愛參與編劇工作，但卻從不邀功：「如有路人贊佢，佢都會拉住我講話系我寫嘅。」

曾效力亞視的雯女，談及亞視熄機一刻的感受：「香港電視台已經好少，以前TVB都有一台獨大嘅感覺，依家連ATV都冇埋，那等於減少競爭力。我覺得最唔開心系唔能夠只系站在演員角度睇，我都系香港觀眾，冇得選擇絕對唔系一件好事。」

對於有指雯女大有機會為撐陳寶華回巢拍無線劇，雯女笑謂：「我真系好想拍寶華姐嘅戲?，我哋簡直系對方肚裡麵條蟲，因為我哋都系好Sensitive（敏感）同感性嘅人。所以對男人嘅見解，女人心底細膩嘅情感、喜怒哀樂、痛、甚至很多抵死的想法，大家都一講就明，點會唔想合作？同埋我真系等好劇本等到頸都長喇，亦都好渴望用廣東話講對白，但大前提一定要有足夠時間休息同唔可以飛紙仔，因為我覺得就算幾有熱誠都好，愛錫自己始終更緊要。」

分手後爆料！小方呻同鄧麗欣旅行似偷食

藝人方力申（小方）作客ViuTV《晚吹－卷上你的床》節目，與主持火火、崔碧珈、余逸思（Yoshi）探討「暖男需具備的條件」。

小方便主動自揭與鄧麗欣（Stephy）拍拖時的經過，常被對方投訴沒有在外出時主動牽她的手，小方解釋因從小已加入港隊練習游泳，這個圈子很細，固拍拖都會「收得好埋」，避免閑言閑語，而他剛進入娛樂圈時「大家都興玩地下情」，和Stephy的戀情並沒有公開，暖男行為亦自然不敢在人前做出來。

小方慨嘆以前和Stephy去旅行是一件非常艱難的事，二人要在不同時間飛往不同地方，再轉機至旅遊地點會合。除此之外，他們還要故意選擇較少港人乘搭的航空公司訂位，離開酒店到機場時亦要「前後腳」走。小方笑言，每次酒店職員都會用一種「蠱惑」的眼神望著他，心想：「偷食啦肯定，點解唔一齊走啊？」小方則有口難言：「唔通同佢解釋咩？」

問會否愛屋及烏？小方表示與Stephy的媽媽關係很好，以前平日中午會先跟Stephy媽媽飲茶，才到中環跟自己父母飲茶，一日食兩次午餐，令小方一年之間胖了不少，身上的腹肌也因此消失了。